VOV4.K’ho – Ngai òr, 27/3, tàm hìu lơh broă Đảng dà lơgar, Tổng Bí thư Nguyễn Phú Trọng neh wă ồng Sinlavong Khoutphaythoune, Bí thư – Đô trưởng Vientiane, lơgar Lào còp mờ lơh broă tàm lơgar Việt Nam. Tàm dơ\ wă, Tổng Bí thư đơs niam cồng nha lơh broă đah 2 mpồl kuang bàng càr lơgar 2 lơgar dê kung bè cồng nha tam klac bal đah 2 càr lơgar tàm tơngai lài; kơp kờ` là, càr lơgar Vientiane pơnjat tai pơ gồp bal krà` cê mờ càr lơgar Hà Nội, [òn dờng Hồ Chí Minh mờ ală tiah ndai bơh lơgar Việt nam dê chồl pràn mờ tơnguh jơnhua rlau tai cồng nha tam klac bal tàm ală gah, sơlơ cribơyai, tam pà mờng chài bè broă lơh bơt bơtàu Đảng, bơt bơtàu ròt mpồl lơh broă chính trị, atbồ lơh sa - mpồl bơtiàn, tă pơ gồp ngan ngồn ai bơta bơtàu tơnguh tơl lơgar dê mờ git gơp đah 2 Đảng, 2 lơgar tàm tơngai tus.

          Cau cih mờ yal tơnggit K’Duẩn