VOV4.K’ho - Mho òr (20/12), tàm hìu lơh broă Đảng dà lơgar, Tổng Bí thư Nguyễn Phú Trọng neh wă mpồl kuang bàng ala măt dờng màng Chính phủ lơgar Campuchia geh ồng Samdek Techo Hunsen, Thủ tướng Chính phủ lam bồ tus còp mùl màl lơgar Việt Nam. Ồng Nguyễn Phú Trọng neh tơl^k nùs nhơm chờ hờp bè broă tơnguh bơtàu bơh broă lơh bal đềt mềr niam bơne\, lơh bơyô bal ờs mờng, lơh broă bal tơl ală bơta, kơl jăp jo\ jòng bơh lơgar Việt Nam mờ lơgar Campuchia dê. Ồng Hunsen neh chờ gờm ală cồng nha kuơ màng tàm ală gah lơh broă mờ lơgar Việt Nam neh geh; đơs niam cồng nha broă lơh bal bơh 2 đảng lơh tòm kờ` chồl pràn broă lơh bal tơl ală bơta bơh 2 lơgar bal mờ làng bol 2 lơgar; tơl^k nùs nhơm ưn ngài uă ngan bè broă kờ` bal mờ dong kờl dờng màng, niam bơne\, di tu\ geh cồng nha mờ lơgar Việt Nam neh ai lơgar Campuchia in tàm broă tơnkàs dà lơgar bal mờ làng bol lơgar Campuchia klàs mờ rài gơsơ\t rung kung bè tàm broă tơrgùm bal jơi bơtiàn kòn cau, bơ\t bơtàu mờ tơnguh bơtàu dà lơgar.

Lài hơ\, tàm dơ\ lòt còp ngan ngồn lơgar Việt Nam, Thủ tướng lơgar Campuchia Samdech Akka Moha Sena Padei Techo Hun Sen bal mờ mpồl ala mat kuang bàng dờng màng Chính phủ lơgar Campuchia neh geh dơ\ pơrjum mờ Thủ tướng Nguyễn Xuân Phúc.

Bàr nă Thủ tướng sền go\ bal dơ\ bơyai lơh ki\ pơrgon bàr pe sră nggal tam klac lơh broă bal đah bàr lơgar

Bàr đah tơlik nùs nhơm niam nùs tềng đap ală bơta bơtàu tơnguh niam bơne\ ngan bơh bơta gi\t gơ\p 2 lơgar dê tàm tơngai lài mờ kơ\p kờn lơh kơ\ kơl jăp mờ bơtàu tơnguh bơta gi\t gơ\p 2 lơgar jat jơnau đơs “lơgar rềp bal niam bơne\, gi\t gơ\p ờs mờng bơh yau, tam klac bal tơl làm mờ kơ\ kơl jăp jo\ jòng”. Bàr gah dùl nùs ring bal lơh sùm ală dơ\ lòt còp bal mờ gơ\p, tìp mat bal đah Kuang bàng đơng lam bồ bơh bàr lơgar dê kung bè đah ală bộ, gah lơh broă, ală càr mờ [òn dờng bal mờ mpồl cau bơh bàr lơgar dê; mơkung pơgồp bal niam bơne\ mu\t lơh geh cồng nha ală hiệp định, jơnau ring bal neh ki\ hơ đah bàr lơgar, bàr Chính phủ. Bàr gah dùl nùs ring bal pơn jat tai lơh jat kơrnoat pal jat ờ ai bol gơ jran kơuềng in ngui ù tiah lơgar do dê nàng lơh aniah tus bơta lơngăp lơngai bơh lơgar ne dê mờ sơlơ tam klac bal tam dră kă bro phan mờ lơgar ndai tìs mờ adat boh lam, dô gan nhàr lơgar tìs mờ adat boh lam mờ tàm rơcang sơndră ală cau lơh tìs bè ma tuý, kă bro cau, phàu crong phan tam lơh, gan nhàr lơgar, kông nghệ cao…

Bàr nă Thủ tướng bal mờ mpồl ala mat kuang bàng dờng màng bàr lơgar dê pơrjum cribơyai broă

Bàr gah kung dùl nùs ring bal chul chồl Cao ủy Liên hợp quốc bè cau dô pleh gờn bơsong jơh bơta cau kòn cau Tây Nguyên dô gan nhàr lơgar tìs mờ adat boh lam tus lơgar Campuchia jat tàm kơ cế jơnau ring bal 3 gah đah Việt Nam- Campuchia mờ Cao ủy Liên hợp quốc bè cau dô pleh geh ki\ tàm ngai 25/1/2005 lài do.

Cau cih mờ yal tơng^t Ndong Brawl mờ Lơ Mu K’ Yến