VOV4.K’ho - Mho òr (23/3), tàm hìu lơh broă Đảng dà lơgar, Tổng Bí thư Nguyễn Phú Trọng neh wă ồng Lý Hiển Long, Thủ tướng lơgar Singapore gam còp mùl màl lơgar Việt Nam. Ồng Nguyễn Phú Trọng chờ hờp tềng đăp mờ broă tơnguh bơtàu bơh broă lơh bal geh cồng nha mờ pin dờn bal bơh 2 lơgar dê mờ sồr lơgar Singapore tàm nùs nhơm broă lơh bal pa, tơnguh broă tam pà bal broă mờng chài, ai tơl bơta niam anih lơh sa kă bro 2 lơgar in lơh geh cồng nha broă lơh bal, chồl pràn broă tìp bal làng bol, lơh broă bơto bơtê mờ pơgồp bal niam tàm ală dơ\ pơrjum uă lơgar tàm tiah do mờ dunia, tàm hơ\ uă ngan là tàm mpồl ASEAN. Ồng Nguyễn Phú Trọng neh đơs tòm 2 lơgar pal sền kuơ broă lơh jăt tàm dơlam is bơh broă lơh bal pa, ai broă lơh bal bơh 2 lơgar mu\t tàm bơta mùl màl di jăt mờ nùs nhơm broă lơh bal pa bơh 2 lơgar dê.

Cau cih mờ yal tơng^t Ndong Brawl