VOV4.K’ho - Mho òr (25/5), tàm hìu lơh broă Đảng dà lơgar, Tổng Bí thư Nguyễn Phú Trọng neh wă ồng Park Won-soon, kuang dong broă kuang atbồ lơgar Hàn Quốc gam còp lơgar Việt Nam. Đơs niam broă ồng Moon Jae-in, kuang atbồ lơgar Hàn Quốc tơnơ\ mờ tu\ dờp at gơnoar, neh ai kuang dong broă tus còp lơgar Việt Nam, ồng Nguyễn Phú Trọng đơs tòm, lơgar Hàn Quốc là 1 tàm ală lơgar lơh broă bal kuơ màng lài ngan bè broă lơh sa, kă bro mờ bơcri priă lơgar Việt Nam dê; 2 lơgar pal chồl pràn broă lơh nền nòn, geh cồng nha rơlao tai tàm ală gah broă Chính phủ, Quốc hội mờ ală càr, [òn dờng kờ` tơnguh nùs nhơm pin dờn chính trị, pơgồp bal tơnguh bơtàu lơh sa bơh 2 lơgar, ai broă lơh bal kuơ màng bơh lơgar Việt Nam mờ lơgar Hàn Quốc geh mu\t tàm bơta niam bơne\ ngan; sồr 2 lơgar pơn jăt tai pơgồp bal nền nòn tàm ală dơ\ pơrjum dunia uă lơgar di pal mờ bơta kuơ bơh làng bol 2 lơgar, pơgồp bal tàm broă tơnguh sùm bơta lơngăp lơngai, ring niam mờ tơnguh bơtàu tàm tiah do mờ tàm dunia.

     Cau cih mờ yal tơng^t Ndong Brawl