VOV4.K’ho – Mho ngai òr 24/5, tàm Hìu duh broă Đảng Dà lơgar dê, Tổng Bí thư Nguyễn Phú Trọng neh wa\ rò ồng José Ramón Balaguer, Bí thư Đảng Dà lơgar, mơkung là Kuang atbồ Mpồl lơh broă mờ lơgar ndai Đảng Cộng sản lơgar Cuba lòt Pơrjum Cribơyai dơ\ pe đah Đảng Cộng sản Việt Nam mờ Đảng Cộng sản Cuba. Tổng Bí thư Nguyễn Phú Trọng đơs là, dơ\ lòt còp mờ lòt Pơrjum Cribơyai đah 2 đảng, kung bè broă chul chồl lơh broă bal lơh sa, kă bro, tìp mat lơh quèng bal đah làng bol tàm tơngai lài là ală cơng tàng loh làng ngan pà go\ bơta gi\t gơ\p oh mi lam lài, gi\t gơ\p lơh bơyô bal ờs mờng, lơh broă bal tơl làm, tam klac bal dùl nùs đah 2 Đảng, dà lơgar mờ làng bol 2 lơgar Việt Nam mờ Cuba. Tổng Bí thư Nguyễn Phú Trọng đơs ngan là, bơta gi\t gơ\p kuơmàng đah 2 Đảng, 2 dà lơgar, bè Kuang đơng lam bồ Phidel Castro neh đơs ngan “là jơnau pơrya bơh tu\ tơngai dê”, là jơtài kuơmàng ngan mờ 2 đảng mờ làng bol 2 lơgar bol he sùm sền gàr, bơ\t bơtàu mờ tàm pơn jat tai ai ală rơnàng tơnơ\ do in.

Cau cih mờ yal tơngi\t- Lơ Mu K’ Yến