VOV4. K’ho- Cau bơceh đơs crih Phan Huỳnh Điểu geh pơnyơu bè “Sềm lam bồ” tàm rài gùng đơs crih kăc màng Việt Nam. Jơnau đơs crih bơh ồng dê bơceh geh làm uă tàm uă tơngume krơi is bơh bơta kờ` gơboh ùr klau, nùs nhơm cau lơh broă bal tus bơta kờ` gơboh dà lơgar. Mờ Tây Nguyên, jơnau đơs crih “Bóng câu Kơnia” bơh ồng bơceh gùng đơs crih, neh gơ gơs là dùl tàm ală jơnau đơs crih niam ngan rlau jơh. Ồng pa chơ\t tàm ngai 29/06 pa do, là dùl bơta roh rui dờng ngan tus mờ rài gùng đơs crih dà lơgar.

Cau bơceh đơs crih Phan Huỳnh Điểu là dùl tàm ală cau bơceh đơs crih pơnrơ ngan bơh rài gùng đơs crih kăc màng Việt Nam dê. Bơta kờ` gơboh dà lơgar uă ngan là dùl tàm ală jơnau lơh gơdan dong cau bơceh đơs crih Phan Huỳnh Điểu bơceh geh ală jơnau đơs crih lơh uă ngan cau kờ`. Bơh jơnau đơs crih bơh sơnrờp Trầu cau tus uă ngan jơnau đơs crih lòt bal mờ nam nhai tơnơ\ do, bè: Đoàn vệ quốc quân, Tình trong lá thiếp, Mùa đông binh sĩ…ndrờm geh ồng bơceh tàm bơta gơdan uă ngan hơ\. Cau bơceh đơs crih Phạm Ngọc Khôi kuang jat jơng atbồ Mpồl cau bơceh đơs crih Việt Nam, yal bè do: “Mờ geh bal ală jơnau đơs crih mờ wa Điểu bơceh tàm ală nam 1940 bơh rài lài dê, ndrờm gơ jat bal mờ bơta bơtàu tơnguh bơh jơnau kah yau jơi bơtiàn dê mờ gơ cèng uă bơta tàm rài kis bơh yau, jơnau pơnđick bơh bol he dê lơh gơs bơnàng jă nàng bơceh gơs. Hơ\ là anih kơldìng kuơmàng ngan rlau jơh nàng ală jơnau đơs crih bơh wa dê bơceh kis sùm mờ tu\ tơngai. Digơlan jơh ală jơnau đơs crih bơh wa dê bơceh lời wơl tàm làng bol geh gơs dùl rài gùng đơs crih yô yau Việt Nam pa dê”.

Hìu bơnhă tơngăc tơ\p [ồc cau bơceh đơs crih Phan Huỳnh Điểu

Đơs tus Phan Huỳnh Điểu, cau gam kah tus “cau pơnrơ ngan bơceh jơnau đơs crih ai bơh jơnau nri\”, uă jơnau nri\ tơnơ\ tu\ geh ồng bơceh gùng đơs crih neh pơnrơ uă ngan mờ geh gal ngan cau kờ`. Digơlan jơnau đơs crih ai bơh jơnau nri\ mờ ồng bơceh gùng đơs crih bơh sơnrờp bơh ồng dê là “Những người đã chết”, jơnau nri\ Tế Hanh, nam 1946.

Hơ\ sồng tơnơ\ hơ\, là jơnau đơs crih “Điệu buồn”, jơnau nri\ Huy Cận, nam 1949…Mơya pal tus di ală nam 1970 mờ ală jơnau đơs crih, bè “Bóng cây Kơnia”, jơnau nri\ Ngọc Anh; “Cuộc đời vẫn đẹp sao”, jơnau nri\ Dương Hương Ly; “Hành khúc ngày và đêm”, jơnau nri\ Bùi Công Minh…ală jơnau nri\ geh bơceh gùng đơs crih bơh cau bơceh đơs crih Phan Huỳnh Điểu dê hơ\ sồng lơh uă ngan cau kờ`. Jơnau gơkờ` bè jơnau nri\ bơh cau bơceh đơs crih Phan Huỳnh Điểu dê gam pơn jat tai mờ “Anh ở đầu sông em cuối sông”, jơnau nri\ Hoài Vũ, “Sợi nhớ sợi thương”, jơnau nri\ Thúy Bắc. Kuơmàng, tus ală nam 1980, gùng đơs crih bơh cau bơceh đơs crih Phan Huỳnh Điểu dê neh bơceh gùng đơs crih ai jơnau nri\ Xuân Quỳnh dê in mờ “Thơ tình cuối mùa thu”, “Thuyền và biển”, “Sóng”…Cau bơceh đơs crih Phan Huỳnh Điểu neh geh tu\ đơs “Jơnau nri\ mờ gùng đơs crih gơlơh bè oh mi ùr kòn deh bàr”. Cau bơceh jơnau nri\ sền sơ wì tơl akhar cih, cau bơceh đơs crih sền sơ wì tơl gùng đơs crih geh lơh gơlik dùl jơnau đơs crih tơl niam mờ niam ngan. Den tàng bè hơ\ geh rlau nggùl jơnau đơs crih bơh ồng dê bơceh lời wơl là ală jơnau đơs crih geh bơceh jat jơnau nri\. Cau bơceh đơs crih Phạm Ngọc Khôi, yal: “Tờm chi Kơnia mờ hùc dà kah bồ tô dà bơh tiah đah tô ngài ne halà geh dùl ù tiah lơi hơ\ tài bơh bơta jòng bơta kah, geh bơta ngài uă ngan lơi pơndrờm uă rlau mờ bơta nđàc…neh đơs tờm gùng đơs crih mờ jơnau nri\ bơh wa Điểu dê là dùl. Bơta hơ\ tơngo\ bơta pràn tàm dơlam is, bơta ngăc ngar mhar gi\t. Gơtùi đơs, jơh ală jơnau đơs crih bơh wa dê bơceh mờ lời wơl tus tu\ do neh sơrlèt rlau mờ ù tiah, tu\ tơngai, sơrlèt rlau mờ jơh ală bơta lơh gơs jơnau kah yau”.

Ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar, ồng Nguyễn Xuân Phúc kuang jat jơng gơs gơnăp gơnoar atbồ hơđang rlau jơh dà lơgar mờ hìu bơnhă pơyua goàng bơkàu ies [ồc cau bơceh đơs crih Phan Huỳnh Điểu

Iat jơnau đơs crih bơh Phan Huỳnh Điểu dê bơceh, cau sùm sền go\ nùs nhơm gơboh gơbài jrô ơnàng ngan mờ ală gùng đơs crih bềng jơnau pơnđick mờ geh lơh niam ngan. Mờ geh bal ală jơnau đơs crih bơh ồng dê kung bềng uă bơta kờ` gơboh pin dờn. Ngan bè hơ\ mờ jơnau đơs crih bơh Phan Huỳnh Điểu dê [ươn ngan kah, [ươn ngan bơsram hơ\ sồng gơmu\t tàm nùs nhơm cau dê mờ gơlơh kah sùm ờ tu\ lơi gi\t. Jơnau đơs crih bơh ồng dê bơceh bềng lơm ală jơnau niam ngan, balhiă ngan mơya niam ngan lơh gơkờ` ngan nùs nhơm cau iat dê, bè: “Nhìn ngôi sao nhấp nháy suốt đêm thâu. Như mắt ai nhấp nháy đang tìm nhau” tàm jơnau đơs crih “Đêm nay anh ở đâu”; “Ngôi sao như xuống thấp cho ta gần nhau thêm. Đêm nghe tiếng mưa rơi. Đếm mấy triệu hạt rồi mà chưa vơi nổi nhớ” tàm jơnau đơs crih “Ở hai đầu nổi nhớ”; halà “Em dang tay, em xoè tay. Chẳng thể nào mà xua tan mây. Mà chẳng thể nào mà che anh được. Chứ rút sợi thương, nay anh chắp mái lợp. Rút sợi nhớ, đan vòm xanh”…Bè jơnau cau bơceh đơs crih Văn Dung dê, bulah hòi jà mơya rùp să bơta kờ` gơboh kung gam geh sùm tàm ală jơnau đơs crih bơh Phan Huỳnh Điểu dê bơceh: “Ồng geh uă ngan jơnau đơs crih tàm uă tơngume krơi is, bol he gi\t tus Phan Huỳnh Điểu mờ ală jơnau đơs crih mờ ồng dê bơceh niam ngan, lời wơl dùl tu\ tơngai tam dră mờ Mỹ dong klàs dà lơgar mờ jơi bơtiàn. Gơtùi đơs là ală jơnau đơs crih mờ Phan Huỳnh Điểu dê bơceh neh lời wơl ai làng bol bol he in tàm dùl tu\ tơngai kah yau, kuơmàng là tàm rài tam lơh mờ Tây, mờ Mỹ dong klàs dà lơgar là uă ngan gi\t lơh”.

Chu `àng tơngăc tơ\p [ồc cau bơceh đơs crih Phan Huỳnh Điểu

Gơ wèt mờ ală bơta tă pơgồp bơh he dê, cau bơceh đơs crih Phan Huỳnh Điểu geh pơnrơ là “Sềm biàng bơh rài gùng đơs crih Việt Nam dê” mờ geh dà lơgar pà Khà jờng Hồ Chí Minh bè cih sră lơh bơta niam chài. Bulah git là: deh, dờng kra, kòp mờ chơ\t geh tus mờ jơh tơl nă cau, mơya bơta chơ\t bơh cau bơceh đơs crih Phan Huỳnh Điểu dê là dùl bơta roh rui ờ gơtùi jòi bàn wơl tus mờ ală cau gơboh jơnau đơs crih Việt Nam. Tơngăc ồng, tơnngăc dùl tờm jrê dờng bơh rài gùng đơs crih Việt Nam-cau bơceh đơs crih Phan Huỳnh Điểu.

Cau mblàng Lơ Mu K’ Yến