VOV4.K’ho -  Tơngai bơh nam 2016 tus nam 2021, gùt lơgar lơh ngan bơto broă lơh tus mờ 5 tơlak 500 rbô nă cau lơh broă tàm [òn lơgar in, tàm hơ\ dong kờl bơto kơnă sơ cấp mờ bơto hơđơm 3 nhai jat broă lơh bơh rơndap broă 1956, là mờr 3 tơlak 200 nă cau. Jơnau kờ` là tơnơ mờ tu\ geh bơto broă lơh, geh bơh 80% khà cau bơsram geh broă lơh pa halà pơnjat tai lơh broă yau, mơya geh cồng nha, priă lơh geh uă rlau. Tơngai bơh nam 2010 tus nam 2015, gùt lơgar geh rlau 4 tơlak 100 rbô nă cau lơh broă tàm bòn lơgar geh bơto broă lơh. Cồng nha, tàm khà cau lơh broă bòn lơgar geh dong kờl bơsram broă lơh neh jơh bơsram, khà cau geh broă lơh halà gam lơh broă yau mơya geh cồng nha mờ priă lơh geh uă rlau lài mờ tu\ bơsram geh tus 78%, sơr lèt rlau jơnau kờ` rơndap broă 1956 ai tơlik là 70%. Tàm hơ\, khà cau geh mpồl lơh sa kă bro sac rơ wah geh tus 22%, uă ngan là cau bơsram broă lơh ờ di broă lơh sa suơn sre.

                   Cau cih mờ yal tơnggit K’ Brọp