VOV4.K’ho - Drim òr (1/6),  tàm Hìu lơh broa\ Gah sền gàr dà lơgar Campuchia,  đại tướng Ngô Xuân Lịch  mờ mpồl neh cri bơyai broa\ mờ mpồl  kuang bàng  ling klàng dờng lơgar Campuchia bơh đại tướng Tia Banh lơh kuang lam bồ.

            2 gah neh yal bal bơta geh ngan tàm tơl lơgar, yal wơl bơta git gơp lơh broa\ bal sền gàr dà lơgar tàm tơngai lài mờ geh đơs la,  lơh broa\ bal sền gar ngap lơngai 2 lơgar geh mut lơh geh cồng nha ai bơh broa\ lơh tàm kơrnuat bè tam klac sền gàr  dà lơgar mờ ala\ jơnau  ring bal  dờng màng bơh Gơnoar atbồ lơgar mờ ling klàng 2 lơgar. 2 kuang atbồ gah sền gàr dà lơgar neh ring bal tàm tơngai tus pơnjat tai geh cri bơyai jơnau yal tơnggit, tơngguh ala\ broa\ lơh cri bơyai tàm mpồl, tam tìp jơh ala\ gah broa\, lơh broa\ bal sền gàr ngap lơngai đang ù gơl mờ tàm dà lềng, lơh geh bơta  bươn boài tus broa\ lơh wah nhàr sơntơp jrong nhàr lơgar bơh ala\ gah lơh broa\ geh gơnoar, geh lơh bal nền nòn rlau tai tàm broa\ kơryan tìs gan nhàr lơgar, dong làng bol tiah nhàr lơgar 2 lơgar iang nùs lòt rê ka\ bro bal. Tàm dơ\ tus còp,  đại tướng Ngô Xuân Lịch mờ mpồl kuang neh tus tìp mờ ồng Hun Sen kuang gơs gơnap gơnoar atbồ hơđang rlau jơh dà lơgar, ồng Heng Som-rin kuang atbồ Gơnoar ala mat dà lơgar, còp mờ boh bơr mờ  cau kuang, cau lơh broa\ ala mat lơgar Việt Nam tàm Campuchia.

                        Cau cih mờ yal tơnggit K’ Brọp