VOV4.K’ho- Dơ\ tơngkah 100 nam ngai crơng gơs Mpồl cau Việt Nam kis tàm lơgar Tây pa geh bơyai lơh yu\ ryum tàm Hìu pơrjum kah yau Mutualité, càr lơgar Paris mờ bơta tus bal bơh 1000 nă cau Việt Nam kis tàm gùt lơgar Tây.

Đơs tàm dơ\ tơngkah, Thứ trưởng Bộ Ngoại giao Việt Nam ồng Nguyễn Quốc Cường đơs ngan: Đảng, Dà lơgar Việt Nam sùm sền dờng màng mờ jờng rơ uă ală bơta tă pơgồp dờng ngan bơh Mpồl dê tàm jơh gùt tu\ tơngai tam lơh tơng klàs dà lơgar mờ sền gàr lơngap lơngai is jơi bơtìan kòn cau bơh dà lơgar lài do dê, kung bè broă bơt bơtàu mờ sền gàr dà lơgar ngai do.

Di dơ\ do, Mpồl cau Việt Nam kis tàm lơgar Tây neh bơyai lơh ràng tơlik rùp “ 100 nam lơh broă mờ ơm kis” mờ yal sră “ Dùl rơhiang nam- dùl nơm gùng” mờ ală sră nggal kuơ màng bè Chủ tịch Hồ Chí Minh mờ làng bol kis tàm lơgar Tây mờ srơh cau Việt Nam kis tàm lơgar ndai mờ ală broă lơh Mpồl dê bơh ală ngai sơn rờp geh Chủ tịch Hồ Chí Minh crơng gơs.

Cau mblàng K’ Hạnh