VOV4.K’ho- Ngai 2/10/2020 jăt jiơ lơgar Việt Nam dê, tàm tơngume bơyai lơh Poh kuang bàng kấp dờng màng bơh Đại hội đồng Liên hợp quốc dê khoá 75, neh geh lơh dơ\ pơrjum kấp kuang bàng dờng màng Tơngkah kir sơnrai 25 nam Pơrjum dunia dơ\ 4 bè cau ùr.

Mò Nguyễn Thị Kim Ngân Chủ tịch Quốc hội Việt Nam đơs tàm dơ\ pơrjum

Tàm jơnau đơs tàm Pơrjum kấp kuang bàng dờng màng do bal mờ tơngume “Chồl guh lơh geh bơta ring bal đah cau ùr mờ cau klau mờ jàu gơnoar ai jơh ală cau ùr mờ kơnòm ùr in”, mò Nguyễn Thị Kim Ngân Chủ tịch Quốc hội đơs sùm, tàm gơnoar là lơgar geh jơng ờ duh broă sùm tàm Hội đồng Bảo an Liên hợp quốc dê tơngai lơh broă bơh nam 2020- 2021, Chủ tịch Mpồl ASEAN nam 2020, Kuang ătbồ Pơrjum dờng ală nghị viện ASEAN dơ\ 41, Việt Nam hơ ai lài chồl guh ală jơnau bơceh lơh gơrềng tus cau ùr mờ kơnòm ùr tàm ală mpồl lơh broă kuơmàng do mờ tu\ lơi kung kờ` lơh broă bal mờ ală dà lơgar nàng kờ` wèt tus dùl mpồl bơtiàn ngan ngồn ring bal mờ dùl dunia ring lơngai kơ\ kơl jăp.

Quốc hội Việt Nam neh ring bal uă sră nggal kơrnoat boh lam nàng kờ` sền gàr mờ sồr lơh jàu gơnoar ai cau ùr in, hòi jà bơta tus bal bơh cau ùr dê tàm ală broă lơh lơh sa, chính trị, mpồl bơtiàn mơkung gròi sền broă lơh jăt kơrnoat boh lam mờ lam lơh ală broă dong kờl bơh Chính phủ dê tàm broă do.

Cau mblàng Lơ Mu K’Yến