VOV4.K’ho - Kờ` hòi jà cau năc nhơl chờ tus mờ [òn dờng geh uă bơkào tơnơ\ mờ kòp Covid-19, gah nhơl chờ càr Lâm Đồng neh lơh jăt broă lơh “Dà Làc – Tiah kờ` gơboh” mờ uă broă lơh niam. Broă lơh hòi jà do neh geh uă cau năc tàm lơgar tus mờ Dà Làc nàng nhơl sền, lơh ală broă drơng ala “tơmù khà priă mơya ờ tơmù bơta niam”.

Bal mờ ală cau hìu nhă lòt nhơl tàm Dà Làc di tàm dơ\ do, cau năc nhơl chờ Nguyễn Thị Thu Hà tus bơh [òn dờng Hải Phòng yal.

                          Uă cau năc tus wơl mờ [òn dờng Dà Làc tơnơ\ mờ broă hòi jà lam sồr nhơl chờ

-A` gơboh ngan tàm do den tàng neh tus tai dơ\ 2, Dà Làc geh uă anih ku\p rùp, hìu tăc dà kơphe view niam den tàng di pal ngan nàng bol a` tus nhơl sền.

A` geh lòt uă tiah bè kơphe Mê Linh, Hoa sơn điền trang, Thung lũng tình yêu mờ khà priă mu\t nhơl sền kung bè ờs ờ kas. Gam bè hìu năc ơm den khà priă kung niam, cau drơng broă geh lơh nền nòn.

Bơh dùl nhai do, broă hìu jà nhơl chờ neh hòi jà uă cau năc tàm lơgar tus mờ càr Lâm Đồng.

Bi Nguyễn Long Sơn, atbồ hìu năc ơm Ky My tàm sơnah [òn 3, [òn dờng Dà Làc pà g^t, rơlao 30 jơdu\ tàm hìu năc ơm sùm geh cau năc dan lài jơh.

-Tơnơ\ mờ kòp gơtòp, ală khà hòi jà bơh càr Lâm Đồng dê geh khà cau năc niam ngan. Ală hìu năc ơm a` g^t ndrờm geh ală broă tơmù khà priă ha là tơmù uă broă lơh ndai den tàng hòi jà geh khà cau năc ring niam ngan.

Hòi jà, lam sồr cau năc tàm lơgar tus nhơl sền, lơh ală broă tơnơ\ mờ tơngai rơcang sơndră mờ kòp Covid-19, ală hìu năc ơm, homestay, hìu ơm tàm càr Lâm Đồng ndrờm tơmù khà priă, ală tiah nhơl chờ kung geh ai uă broă lơh tơmù khà priă niam ngan.

                                             Nhơl chờ càr Lâm Đồng gam rơhời brồ guh wơl

Ồng Nguyễn Đình Long, kuang atbồ tiah nhơl chờ Thung lũng tình yêu pà g^t:

-Tu\ do bol a` gam ngui khà priă vé tơmù mờr 50%. Di lah cau năc ngui combo buffet geh 30 bơta phan sa den khà priă vé cau dờng mìng gam 220 rơbô đong, kơnòm dềt 110 rơbô đong mờ kơnòm kòn se `hoa hờ đơm 1 thơ\k den ờ sa priă.

Do là dơ\ niam ngan ai cau năc in, kuơ màng là cau năc lòt mờ ală cau tàm hìu nhă bal tus mờ bol a` tơnơ\ mờ kòp Covid-19 do mờ khà priă di pal ngan”.

Broă hòi jà nhơl chờ geh măt sơnđan “Dà Làc – Tiah kờ` gơboh” tu\ do neh hòi jà rơlao 30 hìu năc ơm, công ty nhơl chờ mờ ală tiah nhơl chờ tàm càr Lâm Đồng tus bal mờ uă broă lơh, bè tơmù khà priă anih b^c, khà priă lòt bơh 10 tus 50% mờ jơnau hơ “Tơmù khà priă mơya ờ tơmù bơta niam broă lơh”.

Ồng Phan Văn Đa, Phó Chủ tịch UBND càr Lâm Đồng đơs, ală gah, mpồl lơh broă tàm càr kung lơh broă bal mờ mpồl lơh sa kă bro kờ` gờ` brồ guh wơl gah nhơl chờ.

-Càr Lâm Đồng neh đơng lam ai uă sở, gah lơh broă, tàm hơ\ geh Sở Du Lịch, Sở Công thương, đah tă dia ai bơh tàm bơta mùl màl, broă lơh bơh mpồl bơtiàn mpồl lơh sa kă bro mờ cau lơh sa kă bro tàm càr dê, lơh jăt tơl ală broă dong kờl bơh Chính phủ.

Càr geh lơh ală broă lơh is nàng lơh ngan brồ guh gờ` ngan ală broă kă bro, broă drơng ala mờ nhơl chờ càr dê.

Cau cih Tuấn Anh-Cau mblàng Ndong Brawl