VOV4.K’ho- Ngai 4/12, tàm thị xã An Khê, càr Gia Lai, Anih tờm Dong kờl bơto pơlam lơh broă sa Dà lơgar bơyai lơh pơrjum “Gùng dà broă lơh tơnguh uă ală anih lơh gơlik biăp, bơkàu, plai chi tàm ală càr tiah tàm gùl lơgar mờ Tây Nguyên”. Jăt jơnau yal tàm pơrjum, priă geh bơh tăc mờ lơgar ndai gah phan biăp, bơkàu, plai chi tàm lơgar he neh sơrlèt rlau 2 tơmàn 500 tơlak dolar Mỹ tàm nam 2016. Bulah bè hơ\, tus tu\ do bă ù lơh gơlik phan do kung mìng dùl êt ngan sơl, rah rài, ờ hềt lơh gơlik geh phan bơna kă bro uă den tàng bơta pràn tàm pơrlòng ờ uă.

Nàng tơnguh ală anih lơh gơlik biăp, bơkàu, plai chi, jăt Anih tờm Dong kờl bơto pơlam lơh broă sa dà lơgar dê, ală tiah pal hòi jà, mblàng yal mờ tàm tơrbo\ bal dong cau lơh broă sa lơh jăt ală broă lơh tam biăp ờdo ờdă, tus bal lơh bal mờ cau blơi phan mờ sền dờng màng lơh gơlik phan jăt ală jơnau sồr bơh drà kă bro dê.

Cau mblàng Lơ Mu K’Yến