VOV4.K’ho - Là xã geh rơlao 42% khà kờp làng bol là kòn cau K’ Ho, ală nam lài, bu\ lah xã Phú Hội, kơnhoàl Đức Trọng, càr Lâm Đồng neh geh tìp mờ ngui công nghệ cao tàm broă lơh sa suơn sre, mơya tài broă tăc phan geh lơh bơh broă lơh sa suơn sre ờ ring niam, den tàng rài kis broă lơh sa bơh uă làng bol gơtìp uă ngan kal ke.

3 nam pa do, sền go\ broă pơgồp bal lơh sa jăt broă lơh tơnguh bơta kuơ phan kă bro là broă pal geh, xã Phú Hội neh mhar lơh jăt mờ lam sồr làng bol tus bal uă tàm broă lơh ală broă pơgồp bal lơh sa mờ kă bro phan geh lơh bơh broă lơh sa suơn sre.

Bơh tu\ hơ\, broă “geh tơnhào roh khà priă” rơhời geh tơmù, priă geh tàm dùl bă ù tam phan gơguh uă ngan, geh 255 tơlăk đng tàm 1 lồ 1 nam, gơguh mờr 2 dơ\ pơn drờm mờ nam 2018. Rài kis broă lơh sa gơguh, den tàng làng bol kis tàm do gam bơyai lơh wă rò nam pa tàm nùs nhơm chờ hờp mờ gơboh gơbài.

Tus tàm xã Phú Hội, kơnhoàl Đức Trọng, càr Lâm Đồng tàm ngai bồ nam pa, bol a` gơlơh chờ ngan tài bơh ală bă sre gơtìp lời bơrlơu lài do tu\ do ndrờm neh geh gơtìm  dùl bơta tơlir bơh biăp mờ uă bơta bơkào … bơta do tơngo\ rài kis bơh làng bol kis tàm do neh mùl màl hờm ram mờ tơnguh bơtàu pah ngai.

Wă bol a` tàm hìu dềt niam bơne\ geh lơh tềng gah hìu krơh tam blơn su\t jăt broă lơh công nghệ cao, bi K’ Hoàng, kòn cau K’ Ho kis tàm [òn Phú Bình, xã Phú Hội, kơnhoàl Đức Trọng pà g^t, bơh ngai tus bal mờ broă pơgồp bal lơh sa mờ ală mpồl lơh sa bal bơh [òn dờng Hồ Chí Minh, broă tăc phan geh lơh bơh broă lơh sa suơn sre neh ờ gam là broă ờ su\k ơm bè lài. Tài tam tòm blơn su\t jăt broă lơh kloh, lơh jăt broă lơh ndơ\p mờ lơh is, den tàng cèng geh bơta kuơ tàm broă lơh sa uă ngan. Tàm nam pa do, tơl ngai bi ndrờm geh tăc tàm drà kă bro rơlao 150 k^ plai blơn su\t geh bơta niam uă. Mờ khà priă tăc geh 30 rơbô đong tàm 1 k^ neh cèng wơl khà priă uă ngan tus mờ hìu nhă bi dê. Jăt bi K’ Hoàng yal, bal mờ bơta cồng nha tơnhào geh uă bal mờ bơta niam bơh phan geh lơh, cồng nha do geh mìng kơnờm tàm broă lơh jăt sră dan blơi. “Kờ` lơh geh bơta kuơ phan bơh broă lơh sa suơn sre den he pal atbồ geh 4 broă lơh kuơ màng ngan, hơ\ là drà tăc, khà priă tăc bơh phan he geh lơh; geh rơndăp broă lơh sa; atbồ geh broă lơh bơh să tờm là phơng, sơnơm sền gàr phan tam, drà kă bro, lơh sa mờ atbồ geh khà priă tă tàm broă lơh sa. Lơh broă jăt sră dan blơi den he ờ gam pal ờ su\k bè bơta geh tơnhào ờ geh khà priă, broă tam gơl khà priă bơh drà kă bro bè lơi, tàm do mìng kờ` he iang nùs tàm broă lơh, gàr niam bơta niam nàng jào phan geh lơh cau năc in mơ”.

Ờ mìng bi K’ Hoàng, rơwah broă tam phan di jăt mờ sră dan blơi, tus bal tàm ală broă pơgồp bal lơh sa mờ tăc phan geh lơh bơh broă lơh sa suơn sre gam geh uă làng bol kis tàm do sền gròi ngan. Ồng Ha Nan Tham My, Chủ tịch Hội Nông dân xã Phú Hội, kơnhoàl Đức Trọng pà g^t, jơh gùt xã tu\ do geh rơlao 780 hìu tus bal mờ ală broă lơh pơgồp bal tam biăp, bơkào, kơnuh, plai chi ală bơta mờ uă công ty, mpồl lơh sa kă bro mờ Hợp tác xã, 87% tàm khà do geh lơh broă bal lơh jăt broă lơh sa jăt gùng dà kơl jăp, geh 28% khà hìu lơh sa suơn sre tàm xã.

Kơnờm mờ broă tam gơl jơnau g^t wă tàm gùng dà broă tam phan, sền kuơ tus mờ bơta drà kă bro mờ kơrnoăt tam, tăc, phan geh lơh bơh broă lơh sa suơn sre lơh geh ndrờm geh tăc mờ khà priă uă, den tàng rài kis phan bơna mờ nùs nhơm bơh làng bol neh gơguh loh làng ngan. Ồng Ha Nan Tham My yal: “Bơh tu\ làng bol tơnguh jơnau g^t wă tàm broă lơh sa, sền kuơ broă tam gơl phan tam, hơ\ sồng pơn jăt tai là làng bol go\ loh làng kờ` lơh sa kơl jăp mờ jo\ jòng den pal geh mpồl lơh sa kă bro, công ty, pal geh tus bal tàm ală broă pơgồp bal lơh sa, broă pơgồp bal lơh. Tus tu\ do, tàm xã neh geh uă ngan hìu làng bol lơh jăt ală broă pơgồp bal lơh sa do. Gàr niam drà kă bro phan geh lơh, ring niam khà priă tă tàm broă tam phan mờ tơnguh uă cồng nha tàm broă lơh sa suơn sre kơl jăp jăt broă lơh công nghệ cao”.

Lơh geh phan kă bro di jăt mờ drà kă bro, broă tăc geh niam neh pơgồp bal ai bơta kuơ tàm dùl bă ù tam phan bơh xã Phú Hội dê geh 255 tơlăk đong tàm 1 lồ 1 nam, gơguh 55 tơlăk đong tàm 1 lồ 1 nam pơn ndrờm mờ tu\ do nam lài.

Ồng Nguyễn Công Hinh, Phó Chủ tịch UBND xã Phú Hội, kơnhoàl Đức Trọng pà g^t, tu\ do, gùt xã ờ geh cau ơm gời, hìu lơi kung geh broă lơh sa is, tus bal tàm broă bơsram broă mờng chài tàm broă tam phan nàng cèng geh cồng nha broă lơh sa uă rơlao, ờ gam nùs nhơm kơ\p gơn mờ broă dong kờl bơh dà lơgar bè lài do tai, den tàng khà hìu rơ[ah tàm xã neh gơmù uă ngan mìng gam 0,5%. Cồng nha do là bơh dùl tơngai tam gơl nùs nhơm g^t wă kuơ màng tàm làng bol dê, tàm hơ\ uă ngan là broă lơh jăt gùng dà di pal tàm broă đơng lam bơyai broă lơh sa bơh cấp uỷ bal mờ gơnoar atbồ xã dê. “Bơh broă pơgồp bal lơh sa den cồng nha broă lơh sa gơguh loh làng ngan. Làng bol mìng rơcang tàm broă lơh, gam sơntìl, khoa học kỹ thuật den ală mpồl lơh broă pơgồp bal geh dong kờl làng bol. Gơwèt mờ làng bol kòn cau den neh geh ờ uă hìu geh pơnrơ ngan geh priă uă rơlao pơn drờm mờ broă lơh bè ờs, tàm hìu krơh kờp du\ geh bơta kuơ rơlao 2 tơmàn đong tàm 1 lồ 1 nam. Tơmù broă gơmù khà priă, tơnhào geh uă bè lài do. Mờ broă pơgồp bal mơh sa den lơh ngan bơh cấp uỷ, gơnoar atbồ xã tàm nam 2021 do geh rơlao 40% khà hìu lơh sa suơn sre tàm xã”.

Xã Phú Hội tu\ do geh 6 rơbô 700 lồ ù lơh sa suơn sre, tàm hơ\ geh rơlao 2 rơbô 700 lồ lơh sa suơn sre jăt broă lơh công nghệ cao. Do là bơta kuơ màng nàng xã Phú Hội pơn jăt tai pờ ơnàng uă broă lơh pơgồp bal lơh sa bơh làng bol mờ mpồl lơh sa kă bro, gơs gùng dà broă lơh tờm nàng xã do pràn kơl dang tàm broă tơnguh bơtàu, pơgồp bal tàm broă lơh tơl khà là xã [òn lơgar pa tơnguh uă tàm nam 2022.

Cau cih Quang Sáng- Cau mblàng Ndong Brawl