VOV4.K’ho-Tàm dơ\ lơh broă đah Bộ Nông nghiệp mờ Phát triển Nông thôn mờ Đại sứ quán lơgar Mỹ dê bè broă tơnguh blơi phan lơh bơh gah lơh sa suơn sre bơh lơgar Mỹ dê geh lơh tàm mho ngai 14/9 tàm Hà Nội, ală kuang bàng ring bal jơnau đơs, nàng tơnguh priă lơh geh bơh tăc phan mờ lơgar ndai bơh gah lơh sa suơn sre Việt Nam mờ Mỹ dê tàm tơngai tus pal pơn jat tai tă bơsong ală bơta kal ke kòl yan bè dia kung bè sền gròi kòp phan blơi bơh lơgar ndai dê nàng dong lơh jat jơnau hơ pơr gon đah 2 gah. Mỹ là dùl tàm ală lơgar lơh broă bal lơh sa kă bro lam lài Việt Nam dê, ngan là broă lơh sa kă bro gah lơh sa suơn sre gơguh sùm tàm ală nam do, lơh geh khà mờr 30%.

8 nhai do, Bộ Nông nghiệp mờ Phát triển Nông thôn neh lơh ngan pơgồp bal bơsong ală bơta kal ke kòl yan ai geh tơl bơta buơn ai mpồl lơh sa kă bro 2 lơgar in. Kờp jơh priă lơh geh bơh tăc phan mờ lơgar ndai bơh gah lơh sa suơn sre, phan brê, phan tàm dà đah 2 lơgar dê 7 nhai do lơh geh 7 tơmàn 530 tơlak dolar Mỹ, gơguh 9% pơn ndrờm dùl tu\ bal mờ nam lài.

Cau mblàng K’ Hạnh