VOV4.K’ho - Mờ jơnau đơs “ Kơphe Buôn Ma Thuột- Bơtòm tơr gùm jơh bơta niam ngan bơh ù tiah brê bơ nơm dờng ơning ơnàng dê”, mờ tơngume sùm là “ Buôn Ma Thuột- Ală gùng lòt sơnam pa kah yau”, Dơ\ lơh chờ kơphe Buôn Ma Thuột, dơ\ 5, nam 2015 neh tơn jơh mang ngai òr 12/03, tàm Blàng dờng ngai 10/3, càr Dak Lak. Dơ\ lơh chờ kơphe Buôn Ma Thuột dơ\ 5 do geh lơh di tòm mờ dơ\ tơngkah 40 nam tam lơh pha lin dờng Buôn Ma Thuột, tơngklàs càr Dak Lak, làng bol tàm tiah do mờ năc lòt nhơl sơlơ geh tàm bơrlu\ bal să ja` he dê tàm nùs nhơm mờ rài kis duh hồl, hô hơng chờ hờp ngan. Jăt Mpồl bơyai lơh dê yal, kờp bal pah ngai geh pơgăp 100 rbô nă năc tàm lơgar mờ dunia lòt sền ală broă lơh bơh Dơ\ lơh chờ dê. Đơs tơn jơh Dơ\ lơh chờ kơphe Buôn Ma Thuột dơ\ 5, nam 2015, ồng Y Dhăm E`uôl kuang jăt jơng atbồ Anih duh broă làng bol càr Dak Lak, mơkung là Kuang atbồ Mpồl bơyai lơh Dơ\ lơh chờ kơphe Buôn Ma Thuột dơ\ 5 nam 2015 đơs tờm: Dơ\ lơh chờ dơ\ do geh lơh dờng rlau mờ 4 dơ\ lơh lài, mờ neh lơh geh ală jơnau kờn ai tơlik là pơ gồp bơnah đơs tờm mờ yal tơngi\t mat kă bro kơphe Buôn Ma Thuột, chul chồl ngui sa tàm lơgar mờ lơh pràn tơlik tăc mờ lơgar ndai.

                                                          }au mblàng Lơ Mu K’ Yến.