VOV4.K’ho - Tơnơ\ 3 ngai lơh broa\, mho òr (13/01),  tàm Hà Nội,  Pơrjum dơ\ 14, Mpồl đơng lam atbồ Đảng kơna\ XI neh tơnjơh. Mut lơh jat broa\ lơh bơh gùt tơngai lơh broa\, bơh ngai 11 tus 13/1/2016: Mpồl đơng lam atbồ Đảng dà lơgar neh cri bơyai lơh tờm,  song dơpa\,  kơnòl mờ pờ tê  ring bal  cau lơh broa\ nàng geh pồ bơsir ờ ua\ kuang bàng geh jơng Dà lơgar tơngai lơh broa\ kơna\ XI di la cau lơh broa\ “kuơ màng” geh pồ wơl tai tàm kơna\ XII, cau lơh broa\ la cau geh jơng gah gùng dra\ bal, mpồl đơng lam atbồ Đảng  kơna\ XI di cau “kuơ màng “ geh pồ wơl tai tàm kơna\ XII mờ sra\ mat yal mat ala\  cau kuang tơlik mat te\ khà tàm ala\ kuang bàng atbồ  tờm  bơh Đảng mờ Dà lơgar ngai lơh broa\ kơna\ XII mờ khà sra\ pồ ua\. Mpồl đơng lam atbồ Đảng dà lơgar kung neh cri bơyai mờ ring bal jơnhua ngan mờ pang sra\ bơh  Gah gùng dra\ bal bè kờp du\ mut tàm sra\ mat mpồl cau lam bồ, mpồl cau dong broa\ mờ mpồl cau sền cau kuang ala mat bơh dơ\ pơrjum kuang bàng gùt lơgar dơ\ XII bơh Đảng dê. Mơ kung, sồr gah lơh broa\ bơyai lơh drơng dơ\ pơrjum mờ ala\ anih lơh broa\ geh gơ rềng nhap nhar, kràn ngan  sền wơl jơh ala\  broa\ rcang drơng dơ\ pơrjum, kờ` gàr niam dơ\ pơrjum geh cồng nha. Đơs tàm dơ\ tơnjơh dơ\ pơrjum, ồng Nguyễn Phú Trọng kuang atbồ đơng lam Đảng dà lơgar, đơs tờm: “Mìng gam di dùl poh tai Pơrjum geh ngan ngồn geh mut lơh. Do la  broa\ lơh gùng dra\ bal  dờng màng ngan bơh Đảng mờ gùt jơi bơtìan. Cau kuang cau geh Đảng mờ làng bol gam kơp kờ` ngan mờ geh  ơn ua\ ngan bơta kơp kờ`  tàm cồng nha bơh dơ\ pơrjum. A` sồr ala\ oh mi lơh broa\ tàm dà lơgar pơnjat tai chồl guh kơnòl mờ cồng nha niam bơne\ bơh dơ\ pơrjum dà lơgar  dơ\ do, lơh kràn ngan mut lơh mờ atbồ bơyai lơh mut lơh niam kơrnuat bơh dơ\ pơrjum, atbồ gùt Đảng nhap nhar lơh mo lơh gơs ala\ broa\ gam wơl mờ cèng geh nùs nhơm do tàm pơrjum nàng bơyai lơh pơrjum gùt lơgar dơ\ XII geh cồng nha niam bơne\, di pal bơta kơp kờ` bơh gùt Đảng, gùt làng bol”.

                             Cau cih mờ yal tơnggit K’ Brọp