VOV4. K’ho - Drim òr 21/01, bơh bơta đơng lam bơh ồng Nguyễn Sinh Hùng kuang atbồ Gơnoar ala mat dà lơgar, anih duh broa\ sùm Gơnoar ala mat dà lơgar neh pơrjum tơnjơh dơ\ pơrjum 34. Lài hơ\,  ala\ kuang geh jơng anih duh broa\ sùm  Gơnoar ala mat dà lơgar geh ai jơnau đơs tàm broa\ rcang tus pơrjum mpồl tam klac gơnoar ala mat dunia dơ\ 132 (IPU-132) geh lơh tàm Hà Nội tàm nhai 3 tus. Đơs tàm dơ\ pơrjum,  ồng Nguyễn Sinh Hùng kuang atbồ lam sồr dà lơgar bè dơ\ pơrjum  bè IPU-132 tơng kah,  do la dùl broa\ lơh mờ lơgar cau geh pơrya gùng dra\ bal, mpồl bơtìan kuơ màng, mờ broa\ lơh dờng ơnàng geh bơyai lơh tàm Việt Nam. Den tàng, broa\ lơh geh rcang nền nòn nàng dơ\ pơrjum mpồl tam klac gơnoar ala mat dunia dơ\ 132 geh lơh geh cồng nha niam bơne\. Bè hơ\,  geh lơh tàm 3 ngai do, dơ\ pơrjum dơ\ 34 bơh anih duh broa\ sùm gơnoar ala mat dà lơgar neh lơh gơs broa\ lơh. Tàm dơ\ pơrjum do, anih duh broa\ sùm Gơnoar ala mat dà lơgar neh lời bơnah ua\ tơngai  tus broa\ lơh gơs adat boh lam mờ broa\ ai jơnau đơs bè ala\ bơta dờng bơh rơndap adat kơnòl broa\ ling klàng tam gơl, adat broa\ lơh sền gròi bơh Gơnoar ala mat dà lơgar mờ mpồl duh broa\ ala mat làng bol, adat bơyai lơh gơnoar atbồ càr, [òn dờng, adat bơyai lơh gơnoar atbồ tam gơl. Ala\ jơnau đơs tàm dơ\ pơrjum geh gah cih gơs mờ anih sền sơ wì wơl geh lơh bal, lơh gơs niam.