VOV4.K’ho – Mho òr, 17/5, tềng đap bơta đơng lam bơh Chủ tịch Quốc hội mò Nguyễn Thị Kim Ngân, Ủy ban Thường vụ Quốc hội neh tơnjơh pơrjum dơ\ 10 tơnơ\ 3 ngai lơh broă. Lài mờ hơ\, ai jơnau đơs bè broă rơcang tus pơrjum dơ\ 3 geh tơnjơh tàm ngai dơ\ 2 poh tus, Ủy ban Thường vụ Quốc hội neh ringbal, tàm dơ\ pơrjum do, Quốc hội geh lời 3 ngai nàng lùp ală kuang bàng tàm Chính phủ, tơnguh tai gùl ngai pơn drờm mờ ală dơ\ pơrjum lài.

Tàm dơ\ pơrjum drim òr, mò Nguyễn Thị Kim Ngân pà git: Jat ờs mờng, tàm dơ\ pơrjum gùl nam, Thủ tướng jàu gơnoar ai dùl nă Phó Thủ tướng in nàng hơ jơnau lùp. Bulah bè hơ\, jat adat broă lơh sền gròi bơh Quốc hội mờ Hội đồng nhân dân cih, cau gơtìp lùp pal hơ tơn, den tàng, mò Nguyễn Thị Kim Ngân sồr: Tàm pơrjum dơ\ 3 tus, Thủ tướng Chính phủ geh tus bal hơ jơnau lùp bơh ală kuang bàng dê nàng lơh loh rlau tai tơngume geh ală kuang bàng Quốc hội mờ cau te\ khà sền gròi.

               Cau cih mờ yal tơnggit K’Duẩn