VOV4.K’ho - Drim òr (09/7), tàm càr Lào Cai, tỉnh uỷ, HĐND, UBND, Uỷ ban mặt trận Việt Nam càr Lào Cai neh bơyai lơh tơnkah 110 nam ngai crơng gơs càr Lào Cai (12/7/1907-12/7/2017) mờ dờp Huân chương Độc lập khà 1.

Chủ tịch lơgar ồng Trần Đại Quang pà phan ală hìu nhă geh sră dong kờl bơh dà lơgar in

Tus mờ geh jơnau đơs tàm dơ\ tơnkah, Chủ tịch lơgar ồng Trần Đại Quang đơs là, càr Lào Cai pal tơrgùm lơh ndrờm bal ală broă tơnguh bơta niam tơnguh lơh sa, tơnguh bơtàu lơh sa mhar, kơl jăp rơlao. Mờ lơh gơs bal mờ bơyai lơh niam broă ai khà gah, mpồl lơh broă; tơnguh lơh mờ lơh geh cồng nha broă ngui ală bơta pràn bơcri priă tơnguh bơtàu.

Tơnkah 110 nam ngai crơng gơs càr Lào Cai

Chủ tịch lơgar ồng Trần Đại Quang jào Huân chương Độc lập khà 1 càr Lào Cai in

Bal mờ hơ\, càr Lào Cai pal chồl pràn broă tam gơl lơh sa pơgồp bal mờ tam gơl broă lơh bơh tơl gah lơh broă, mpồl lơh broă dê jăt mờ broă tơnguh bơta pràn broă lơh drơng ơla, lơh sa mờ măy mo\k. Mờ ai lài bơcri priă lơh tòm tus mờ broă lơh sa suơn sre, brê bơnơm mờ bơ\t bơtàu [òn lơgar pa, sền kuơ broă tơnguh bơtàu kă bro-nhơl chờ, broă drơng ơla mờ tơnguh bơtàu lơh sa mờ măy mo\k.

Cau cih mờ yal tơng^t Ndong Brawl