VOV4.K’ho –  Tơnơ\ dơ\ sa Tềp bơhiàn, Tây Nguyên đơs bal mờ Gia Lai đơs is mu\t tàm kàl prang dờng, uă bă brê gam ơm tàm bơta ngòt rơngơ\t ngan. Gơnoar atbồ, ală gah lơh broă geh gơnoar, mờ cau tờm brê neh rơcang lài ală broă lơh rơcang sơndră ồs sa brê. Brê rơcang gàr bồ tô Ia Ly tàm kơnhoàl Cư\ Pah, càr Gia Lai ơnàng 12 rbô lồ, uă ngan là brê nho. Mờ bơta is rơmis trồ tiah ro kơnran duh, càl dờng mờ geh uă ngan nhơ\t chi che dềt, brê rơcang gàr bồ tô Ia Ly digơlan gơtìp ồs sa uă ngan. Tơnơ\ dơ\ sa Tềp Bính Thân tơn, mu\t tàm tơngai kàl pràng dờng ngan, kuang bàng mờ cau lơh broă bơh Mpồl sền gàr brê bal mờ gơnoar atbồ tiah do rơcang lài, jơh nùs mu\t lơh ală broă lơh rơcang sơndră ồs sa brê. Ồng Vũ Văn Thảo kuang jat jơng atbồ Mpồl atbồ sền gàr brê rơcang gàr bồ tô Ia Ly, pà gi\t: Lài do, brê sùm gơtìp ồs sa mơya 2 nam do, kơnờm lơh niam broă lơh rơcang sơndră, brê rơcang gàr bồ tô Ia Ly ờ hềt gơbàn dùl dơ\ ồs sa lơi: “Đơs bal den jơh ală broă lơh rơcang bè mpồl cau mờ cau lơh broă tàm kàl prang là jơh nùs ngan. Bol a` neh sơnđờm lòt drơng sền ngai kung bè mang mờ lam ală mpồl lòt sền, sền gròi, pơgồp bal mờ ală hìu làng bol dờp sơngka sền gàr brê kung bè gơnoar atbồ tiah do, mpồl sền gàr brê nàng lơh niam broă lơh rơcang sơndră ồs sa brê”.

                                             Cau cih mờ yal tơng^t- Lơ Mu K’ Yến