VOV4.K’ho – Tơnơ\ dơ\ sa Tềp bơhiàn, Tây Nguyên đơs bal mờ càr Gia Lai đơs is mu\t tàm kal prang dờng, uă bă brê gam ơm tàm bơta ngòt rơ ngơ\t ngan. Gơnoar atbồ, ală gah lơh broă geh gơnoar, ală cau tờm brê neh rơcang lài ală broă lơh rơcang sơndră ồs sa brê.

Brê rơcang gàr bồ tô Ia Ly tàm kơ nhoàl Cư\ Pah, càr Gia Lai ơnàng 12 rbô lồ, uă ngan là brê nho. Mờ bơta mùl go\ trồ tiah ro kơ`ran duh tơ àl ngan, càl dờng mờ geh uă ngan nhơ\t chi che dềt, brê rơcang gàr bồ tô Ia Ly digơlan gơtìp ồs sa là uă ngan. Tơnơ\ dơ\ sa Tềp bơhiàn Bính Thân tơn, mu\t tàm kàl prang dờng, kuang bàng, cau lơh broă bơh Mpồl atbồ brê rơcang gàr bồ tô Ia Ly bal mờ gơnoar atbồ tàm tiah do rơcang lài, jơh nùs ngan mu\t lơh ală broă lơh rơcang sơndră ồs sa brê. Ồng Vũ Văn Thảo kuang jat jơng atbồ Mpồl atbồ brê rơcang gàr bồ tô Ia Ly, pà gi\t: lài do, brê sùm gơtìp ồs sa mơya 2 nam do, kơ nờm mu\t lơh niam broă lơh rơcang sơndră lài, brê rơcang gàr bồ tô Ia Ly ờ hềt gơbàn dơ\ ồs sa lơi. Ồng Vũ Văn Thảo, pà gi\t: “Sền bal den jơh ală broă lơh rơcang lài bè mpồl cau mờ cau lơh broă tàm kàl prang là kràn cê jơh nùs ngan. Bol a` neh sơnđờm lòt sền gàr ngai kung bè mang sơl mờ lam ală mpồl lòt sền, sền gròi, pơ gồp bal mờ ală hìu làng bol dờp sền gàr brê kung bè gơnoar atbồ tiah do, mpồl sền gàr brê nàng lơh niam broă lơh rơcang sơndră ồs sa brê”.

Broă hòi jà làng bol lơh bal tàm broă lơh atbồ sền gàr brê đơs bal mờ rơcang sơndră ồs sa brê đơs is tàm càr Gia Lai tàm ală nam do neh geh ală cồng nha uă ngan. Uă bă brê geh sền gàr niam rlau. Tàm pơgăp 2 nam rềp ndo, kơ nờm geh tai priă jền bơh Kes priă lơh broă brê den tàng broă lơh pès nhơ\t chi che dềt mờ chu lài geh bơta đơng pơlam geh mu\t lơh tơn bơh bồ kàl prang.

Chu lài nhơ\t chi che dềt hòn lềng tàm brê geh bơta đơng pơlam

Bơh hơ\, kơryan lời gơbàn ồs sa brê mờ ală dơ\ ồs sa brê dilah gơbàn kung geh crùh gơ sơ\t jơh mhar rlau. Lam lơh ai làng bol tàm [òn in lòt lơh broă rơcang sơndră ồs sa brê bơh ală ngai bồ nam tơn, ồng Rơ Chăm Pháo atbồ Mpồl dờp atbồ sền gàr brê [òn Duôch 1, ntum Ia Kreng, kơ nhoàl Cư\ Pah, càr Gia Lai, pà gi\t: “Să tờm a` sùm lòt lam sồr làng bol jơh nùs tus bal atbồ sền gàr brê. Mblàng yal nàng làng bol in ờ huan lơh uă broă jì mpuh lơh mìr. Kàl prang den ngui ồs kơrhia, lam lòt chu mpuh ală nhơ\t chi che [ươn gơbàn ồs sa, mờ lơh ală gùng nhàr nàng kơryan ồs sa gơ rề tàm brê tàm kàl prang”.

Pès, khòm sơrbì jơh nhơ\t chi che dềt hòn lềng tàm brê

Jat tơrgùm kờp, jơh gùt càr Gia Lai tu\ do geh rlau 700 rbô lồ brê. Tàm hơ\, bă brê geh pơhìn gơbàn ồs sa uă geh tus pơgăp 40%, uă ngan là tàm ală kơ nhoàl Cư\ Pah, Đức Cơ, Cư\ Prông, Cư\ Sê, Mang Yang, Krông Pa mờ Ia Pa. Tàm tu\ hơ\, jat jơnau đơs lài bơh Anih yal tơngi\t lài trồ tiah dà ia Tây Nguyên dê yal, den kàl prang nam 2016 do sơlơ dờng rlau mờ uă nam lài, tơngai duh tơ àl ngan mờ ro kơ`ran digơlan gơbàn jo\ jòng, pơhìn ồs sa brê digơlan gơbàn kal ke ngan. Den tàng bè hơ\, ală gah lơh broă geh gơnoar mờ mpồl cau tờm brê neh rơcang lài lơh ală broă lơh rơcang sơndră ồs sa brê, rơcang lài hòi jà mpồl cau, rơcang lài phan bơna, phan ngui tàm broă crùh ồs sa. Mờ ală cau tờm brê kung pal jơh nùs bơyai lơh mblàng yal làng bol in bè broă lơh rơcang sơndră ồs sa brê, lam lòt sền tàm tiah pơhìn [ươn gơbàn ồs sa. Ồng Trương Văn Nam kuang jat jơng atbồ Mpồl sền gàr brê kơ nhoàl Cư\ Pah, càr Gia Lai, đơs tờm: “Tus tơngai tu\ do, tàm ù tiah kơ nhoàl geh 4 mpồl cau tờm brê neh lơh mờr jơh ală broă lơh rơcang sơndră ồs sa brê. Neh lơh ală broă lơh pès chu nhơ\t chi che dềt lài mờ ai cau lòt sền gàr ngai kung bè mang, kơryan lơyah ngan rlau jơh broă gơbàn ồs sa brê tàm nam 2016”.

Tây Nguyên gam mu\t tàm kàl prang dờng ngan, broă lơh ală broă lơh rơcang sơndră ồs sa brê là kuơmàng ngan. Ală ngai nhơl chờ wa\ rò sơnam pa sa Tềp, mơya mpồl cau sền gàr brê tàm Gia Lai kung gam ờ hi\u kơ nòl broă rơcang sơndră ồs sa brê!

Cau cih mờ yal tơngi\t- Lơ Mu K’ Yến