VOV4.K’ho – Ngai 09/01, Cơldu\ lơh broă sa sươn sre mờ bơtàu tơnguh [òn lơgar kơnhoàl Ngọc Hồi, càr Kon Tum pơgồp bal mờ ală mpồl lơh broă geh gơnoar neh lam tơ\p pơrgu\c jơh mờr 1 rbô nơm iar ada gơtìp bơtờp kòp pluh A/H5N6. Tiah gơbàn kòp pluh A/H5N6 geh Anih lơh sơnơm phan ròng kơnhoàl Ngọc Hồi, càr Kon Tum sền go\ tàm mpồl iar 550 nơm mờ ada siam 440 nơm rlau 50 ngai sơnam bơh hìu bơnhă ồng Hoàng Xuân Đoàn, [òn 4, ntum Đak Kan. Lài hơ\ pơgăp 4 ngai, ồng Đoàn sền go\ jơnau iar, ada siam să jan ờ pràn, ờ go\ sa mờ sơnđờm gơbàn chơ\t rah rài. Kơno geh jơnau yal bơh hìu cau ròng phan dê, Anih lơh sơnơm phan ròng kơnhoàl Ngọc Hồi tus ai dùl e\t mờ pơyua tus anih lơh sơnơm phan ròng tiah 5 tàm [òn dờng Buôn Ma Thuột nàng kờn gi\t jơnau bơh tài gơbàn. Cồng nha ai go\ dùl e\t iar ada geh ai nàng lòt sền mhàm ndrờm gơtìp bơtờp mờ virus pluh A/H5N6. Tơnơ\ rlau 4 jiơ dờp geh cồng nha sền kòp, anih lơh broă geh gơnoar kơnhoàl Ngọc Hồi neh mhar lam tơ\p pơrgu\c jơh iar ada do mờ neh jơh lơh tơn tàm drim ngai 09/01.

Mpồl lơh broă geh gơnoar tơ\p pơrgu\c mhar iar ada gơtìp bơtờp kòp pluh A/H5N6

Anih lơh sơnơm phan ròng kơnhoàl Ngọc Hồi kung neh lam [ồm sơnơm lơh kloh niam mờ kơryan kòp tàm anih ròng iar ada kung bè ală tiah gùt dar mờ yal lài ală hìu cau ròng phan tàm tiah do in pal sền gròi niam iar ada hìu bơnhă dê. Geh gi\t, hìu bơnhă ồng Hoàng Xuân Đoàn ròng iar ada uă bơh 2 nam do. Do là tiah gơbàn kòp pluh A/H5N6 bơh sơnrờp gơbàn tàm ù tiah càr Kon Tum.

Cau cih mờ yal tơngi\t- Lơ Mu K’ Yến