VOV4.K’ho – Jat Broă lơh pơrjum dơ\ 9, poh lài, dùl tàm ală tơngume geh ală kuang bàng Quốc hội cribơyai là rơndap broă lơh jơnau kờ` dà lơgar bơtàu tơnguh lơh sa – mpồl bơtìan tiah làng bol kòn cau mờ tiah kơh bơnơm tơngai bơh nam 2021 tus nam 2030. Tàm hơ\, jơnau đơs geh pơn rơ là broă tơr gùm bơta pràn bè lơi nàng lam lơh geh cồng nha broă lơh do.

Rơndap broă lơh jơnau kờ` dà lơgar bơtàu tơnguh lơh sa – mpồl bơtìan tiah làng bol kòn cau mờ tiah kơh bơnơm tơngai bơh nam 2021 tus nam 2030 geh pơgồp bơnah chul chồl lơh sa mpồl bơtìan tiah làng bol kòn cau mờ tiah kơh bơnơm bơtàu tơnguh mhar, kơ\ kơljap; lơh gơlik broă lơh, tơnguh pria\ lơh geh làng bol in; bơsong niam rlau 2, 3 bơta ờ suk bơh làng bol kòn cau dê.

Mơya, jat Phó Chủ tịch Quốc hội, ồng Phùng Quốc Hiển đơs, ală jơnau kờ` pal đơs nền loh broă lam lơh broă lơh nàng kờ` tam gơl ală bơta lơi: Tam gơl rài kis, pria\ lơh geh, lơh sa halà mpồl bơtìan… bơh tiah làng bol kòn cau dê:

“Jat a`, bơta lài ngan là bol he pal tơr gùm bơta pràn, bơta pràn tàm do geh jơh bal phan bơna mờ bồ tơngoh jak bơh jơh gùt mpồl lơh broă chính trị bol he dê nàng lam lơh gơtùi broă do. Ua\ tu\ bol he ai tơlik jơnau kờ` dờng mơya ờ tơr gùm bơta pràn gơ in den ờ gơtùi lam lơh. Mờ pal tơr gùm tàm bơta mờ tu\ do gam ờ niam ngan rlau jơh tu\ bol he lam lơh tàm ală nam lài”.

Tàm dơ\ cribơyai tàm mpồl, ua\ ngan ală kuang bàng ndrờm ring bal mờ sră yal bơh Chính phủ mờ jơnau yal sền sơ wì bơh Hội đồng Dân tộc dê. Bulah bè hơ\, nàng lam lơh broă lơh geh cồng nha den pal geh bơta kờp sền wơl ală rơndap broă, pleh bơta gơ tàm rơn dil, ờ ndrờm bal, hoàc huơr mờ ờ dong kờl di cau. Phó Chủ tịch Quốc hội, ồng Phùng Quốc Hiển pà git:

“Tàm do pal rơwah broă lơi, mpồl broă lơi nàng tơmut tàm mpồl rơndap broă bơh Quốc hội dê den jat a` pal mùl màl mờ nền nòn rlau, nùs nhơm là ờ mìng bơcri pria\ mờ gam pal dong kờl mờ pal hòi jà tơl bơta pràn, gơ jat bal mờ bơtàu tơnguh kơ\ kơljap, sền gàr lơngap lơngai, sền gàr dà lơgar, gơ jat bal mờ gơ noar tờm tiah nhàr dà lơgar”.

Bơdìh mờ broă ai tơlik tơl khà tam pà bă tiah làng bol kòn cau, tiah kơh bơnơm jat bơta chài bơtàu tơnguh, Chính phủ mờ ală anih lơh broă mờng chài pal đal git loh cau geh dong kờl. Jat GS.TS Trần Trí Dõi, Kuang atbồ Tiah tờm kơ lôi sơnơng bơtàu tơnguh làng bol mờ tiah kơh bơnơm den:

“Làng bol kòn cau pal là cau tờm bơh broă lik klàs r[ah dê,mờ bol he mìng geh gơ noar broă là cau dong kờl, mờ Chính phủ kung mìng là cau dong kờl mơya cồng nha niam halà ờ là gơ wèt tàm broă bol he dong kờl di cau halà ờ”.

Mờ jơnau kờ` bơcri pria\ dờng ngan tàm tu\ bơta pràn nàng geh tơl pria\ jền den ờ huan ua\, ală kuang bàng sồr Chính phủ kờp du\, kơ lôi sơ nơng nền nòn ală broă jal mhar, ua\ bơta ờ suk, rơ wah bơcri pria\ geh tơngume tờm bal mờ ală broă lơh dipal mờ tơl tu\ tơngai, cèng wơl cồng nha ua\ ngan rlau jơh.

Kuang ala mat Đặng Ngọc Nghĩa, gơ wèt mpồl kuang bàng Quốc hội càr Thừa Thiên Huế đơs là “pal hơ pơrgon mờ bơta pràn”:

“Broă lơh den niam, khà bơcri den ua\, mơya pah nam gơtùi tă nđờ den bol he pal geh kơrnuat, tă dơ\ ngui nđờ rhiang rbô tơmàn đông den tu\ do lơh bè lơi. Hơ pơrgon bè lơi, kes pria\ ờ geh, bơcri pria\ ờ tus gùng tus dà den rah rài, bơcri 1 gơl gùng mờ lơh ờ gơs den mìng 1 dơ\ dà ko\ là gơtìp cò pơr dô jơh, broă lơh bè lơi. Tơrgùm ai ală càr lơi in lài. Dilah ờ den tơr gùm wơl, a` ngòt ngan rlau jơh là ờ geh tơl bơta pràn”.

Cau mblàng K’Duẩn