VOV4.K’ho – Pơrjum dờng Đảng gùt lơgar dơ\ 12 neh mùl màl pồ geh 180 nă kuang bàng mùl màl mờ 20 nă kuang bàng rơcang mu\t tàm mpồl duh broă Đảng dà lơgar kơnă 12. Ală kuang bàng geh pồ tơl^k nùs nhơm chờ hờp tu\ geh pơrjum dờng pin dờn mờ pồ. Gam ală kuang bàng tus pơrjum dờng den đơs là, mpồl duh broă Đảng dà lơgar kơnă 12 geh tam gơl di pal, niam, mờ geh ală kuang bàng neh geh broă mờng chài uă mờ geh ală cau gam kơnòm, ală bơta pa, pin dờn mpồl duh broă Đảng dà lơgar kơnă 12 geh di pal mờ broă kờ` tơnguh bơtàu dà lơgar tàm tơngai pa.

Là cau geh pơrjum dờng pin dờn pồ tàm mpồl duh broă Đảng dà lơgar kơnă 12, ồng Cao Đức Phát, kuang atbồ Gah lơh sa mờ tơnguh bơtàu [òn lơgar dà lơgar đơs là: Cồng nha đùh sră geh niam là tài broă rơcang bè khà măt kuang bàng geh bơyai lơh nền nòn, lơh tòm mpồl duh broă Đảng dà lơgar kơnă 12 dê, ai ală kuang bàng in sền jơnau tơng^t bơh ală kuang bàng geh tơl^k măt pồ. Ồng Cao Đức Phát hơ geh pơn jăt tai lơh jăk niam gơnoar, kơnòl geh mpồl duh broă Đảng dà lơgar jàu, gờ` ai gùng dà, broă lơh bơh Đảng mờ Dà lơgar mu\t tàm rài kis, di pal mờ jơnau kơ\p kờ` bơh làng bol mờ cau geh Đảng dê: “Broă geh jơnau tơng^t ờ di pal ai tơl^k lài mờ pơrjum dờng Đảng he go\ gam ờ lơh ờ niam tus mờ cồng nha pơrjum dờng tơl^k di pal tàm broă rơcang khà măt kuang bàng Đảng dà lơgar he dê kung bè nùs nhơm kơ\ dơn bơh ală kuang bàng tềng đăp mờ Đảng mờ Dà lơgar bal mờ làng bol”.

Ngoh rơngăc tu\ geh tơl khà sră pồ mu\t tàm mpồl duh broă Đảng dà lơgar kơnă 12, ồng Lê Viết Chữ, kuang bàng càr Quảng Ngãi pà g^t, tu\ do, mpồl duh broă Đảng bal mờ làng bol càr Quảng Ngãi kơ\p mờ sền ngan tus mờ cồng nha pơrjum dờng, tài 15 nam do, do là dơ\ sơnrờp, oh kòn càr Quảng Ngãi geh mu\t tàm mpồl duh broă Đảng dà lơgar. Nam do, càr Quảng Ngãi pa geh 1 nă kuang bàng geh jơng mùl màl tàm mpồl duh broă Đảng dà lơgar, mờ geh tai 1 nă kuang bàng geh jơng tàm mpồl rơcang mu\t. Ồng Lê Viết Chữ đơs: “Do là 1 bơta chờ dờng màng ngan. Bơta pơnyờ să do là mpồl duh broă Đảng bal mờ làng bol càr Quảng Ngãi dê. A` mờ ală oh mi tàm mpồl lơh ngan iăt jơh nùs nhơm pơrjum dờng Đảng geh ai tơl^k kờ` ngui tàm càr Quảng Ngãi di pal mờ là cau geh gơnoar tus bal tàm mpồl duh broă Đảng dà lơgar, a` lơh ngan rơlao tai kờ` pơgồp bal mờ ală kuang bàng tàm mpồl duh broă Đảng dà lơgar đơng lam niam ngan tàm broă lơh jăt kơrnoăt pơrjum dờng Đảng gùt lơgar dơ\ 12 neh ai”.

Mờ jơnau yal, broă tơl^k khà măt kuang bàng tus mờ pơrjum dờng Đảng dơ\ 12 geh bơyai lơh tàm nùs nhơm lơh tòm, lơh di mờ kơrnoăt Đảng, uă kuang bàng đơs là, ală cau geh tơl khà mu\t tàm mpồl duh broă Đảng dà lơgar pal tơl^k di mờ broă rơcang Đảng dê bè broă lơh khà măt kuang bàng. Ồng Phạm Hùng Thái, mpồl kuang bàng càr Tây Ninh pin dờn mờ đơs: “Cồng nha là he neh geh mpồl kuang bàng tàm mpồl duh broă Đảng pa, tàm hơ\ geh ală kuang bàng pa ngăc gar. He kơ\p kờ` là mpồl duh broă Đảng dà lơgar kơnă pa geh đơng lam dà lơgar di pal mờ jơnau kơ\p kờ`, kơnòl tơnguh bơtàu dà lơgar dê tàm tơngai pa”.

Đơs bè cồng nha đùh sră mpồl duh broă Đảng dà lơgar kơnă 12 dê, ồng Đặng Huy Hậu, mpồl kuang bàng càr Quảng Ninh đơs là: Do là pơrjum dờng lơh tòm mờ geh kơnòl tềng đăp mờ Đảng mờ Dà lơgar, jơi bơtiàn kòn cau, ală kuang bàng tus pơrjum neh rơwah kuang bàng tàm mpồl duh broă geh tơrgùm bơta ngăc ngar Đảng dê, tơl pràn tam klăc kờ` đơng lam dà lơgar geh ală cồng nha dờng màng rơlao tàm tơngai tus: “A` đơs là ală kuang bàng neh geh kơnòl uă ngan, kơlôi sơnơng tus tơl nă kuang bàng tus bal tàm broă tơl^k măt pồ mờ geh tơl^k măt pồ tàm pơrjum dờng dơ\ do, mờ nùs nhơm di pal kờ` rơwah geh 1 mpồl duh broă geh jăt mờ jơnau kờ` mờ jơnau kơ\p kờ` geh ai tơl^k”.

Ồng Hồ Quang Lợi, kuang jăt jơng atbồ mpồl cau lơh [ăo Việt Nam, gơwèt mpồl kuang bàng [òn dờng Hà Nội đơs là: pơrjum dờng Đảng gùt lơgar dơ\ 12 neh pồ geh mpồl duh broă geh tam gơl di pal, geh bơta niam. Bơdìh mờ ală kuang bàng neh geh broă mờng chài đơng lam, nùs nhơm kơ\ dơn gùng dră bal, mpồl duh broă Đảng dà lơgar kơnă 12 gam là ală cau gam kơnòm, geh ngăc ngar, bơceh pa. Do geh là mpồl kuang bàng pơn jăt tai geh kuơ màng ngan tus mờ Đảng, Dà lơgar dê tàm tơngai pa-do là tơngai tơrgùm bal uă mờ dunia. Ồng Hồ Quang Lợi đơs: “A` kơlôi là, dà lơgar he gam kờ` 1 bơta pràn pa. Mpồl duh broă Đảng dà lơgar geh pồ dơ\ do tơl pràn đơng lam, tơl geh bơngă pin dờn, tơrgùm geh nùs nhơm kơ\ dơn, ngăc ngar tàm gùt Đảng, gùt làng bol he kờ` ai dà lơgar mu\t tàm tơngai pa”.

                  Cau cih mờ yal tơng^t Ndong Brawl