VOV4.K’ho – Drim òr, 12/5, mpồl đơng lam dà lơgar bè rơcang sơndră trồ tiah lơh aniai bơyai lơh pơrjum internet tàm gùt lơgar tơn jơh broă rơcang sơndră trồ tiah lơh aniai mờ jòi dong kờl rềs àr bơh nam 2015 tus tu\ do, mut lơh kơnòl ală nhai pơnjat tai nam 2016 dê. Jơnau yal tàm pơrjum pà git, nam 2015, gùt lơgar gơlik geh 5 dơ\ mìu càl rơbut dờng mờ 1 dơ\ mìu nhàc, bal mờ trồ tiah prang duh tài aniai bơh bơta El Nino jo\ jòng tus nhai 5 nam 2016, lơh gơbàn hoàc huơr kơnjơ\ ngan bè kòn bơnus mờ phan bơna. Tàm hơ\ Tây Nguyên geh khà mìu êt ngan bơh lồi nam 2015 tus tu\ do, lơh ală tơnau dơng dà, bơ tơt rơ bong dà, hìu mai\ pờ tơlik ồs đèng mìng gam bơh 25 tus 40% khà dơng dà bơceh lơh, 70% bă ù lơh sa gơtìp trồ prang dờng soat dà lơh aniai. Tàm Lâm Đồng, nam 2015 neh gơlik geh git nđờ jơt dơ\ mìu dờng, càl rơbut, mhual bơryuh… tàm càr, kờp du\ hoàc huơr rlau 139 tơmàn priă. Mìng is 5 nhai bồ nam 2016, trồ prang soat dà tàm Lâm Đồng lơh gơbàn hoàc huơr mờr 180 tơmàn priă. Kờp du\ lài tàm tơngai tus, trồ tiah lơh aniai kung gam gơlik geh kal ke, Lâm Đồng pal pơnjat tai pơlam làng bol tam gơl chi tam mờ kàl lơh sa dipal, ngui ală sơntìl kòi lơyah ngai nàng tam tàm kàl mìu, mut lơh niam broă sền gròi ngai mang tàm cơldu\ lơh roă sùm mpồl đơng lam rơcang sơndră trồ tiah lơh aniai mờ jòi dong kờl rềs àr ală kơnă.

                   Cau cih mờ yal tơngit K’ Duẩn.