VOV4.K’ho - Nam 1999, Binh đoàn 16 crơng gơs Trung đoàn 726 tàm ntum Quảng Tân, kơnhoàl Tuy Đức, càr Dak Nông mờ kơnòl lơh sa sền gàr dà lơgar, bơ\t bơtàu anih rơcang gàr dà lơgar gùt làng bol tàm tiah nhàr dà lơgar rềp mờ lơgar Campuchia. Rơlao 15 nam do, kuang bàng, cau ling tàm Trung đoàn 726 neh lơh jăk kơnòl tơnguh bơtàu lơh sa, pơgồp bal mờ ală kơnă Đảng, gơnoar atbồ ntum gàr niam bơta lơngăp lơngai dà lơgar. Kuơ màng ngan, Trung đoàn 726 neh pơgồp bal mờ ntum lơh ring niam ală [òn làng bol kòn cau bơh đah tô ntrờn ơm kis mus brê lơh mìr. Tus tu\ do, làng bol kis tàm ntum Quảng Trực neh kis kơ\ 1 bă tiah, geh ù lơh sa mờ geh tơl pràn tơnguh bơtàu lơh sa. Cau ling tàm Trung đoàn 726 neh lơh jăt uă broă lơh kờ` dong kờl làng bol geh cồng nha bè lơh gùng lòt, lơh ală broă drơng tàm lơh sa, lơh niam broă lơh sơnơm ling klàng bal mờ làng bol pơgồp bal, drơng gàr bơta pràn kơl dang să jan làng bol kis tàm tiah nhàr dà lơgar. Bơh tàm ală broă lơh do, nùs nhơm ling klàng mờ làng bol sơlơ ngai sơlơ đềt mềr mờ rùp rài cau ling wa Hồ tàm nùs nhơm làng bol niam bơne\ sùm.

Tơnơ\ mờ ală ngai chờ satềp Bính Thân nam 2016, tàm ală ngai do, geh uă hìu nhă kis tàm ntum tiah nhàr dà lơgar Quảng Trực, kơnhoàl Tuy Đức, càr Dak Nông neh bal mờ kuang bàng, cau ling tàm Trung đoàn 726, Binh đoàn 16 chờ hờp l^k lơh broă, sền gàr suơn kơphe. Geh dong kờl ù lơh sa, mờ wă rò satềp, sa bal, ơm bal, lơh boă bal, làng bol kis tàm ntum Quảng Trực l^k lơh broă mờ nùs nhơm chờ hờp rơlao.

Satềp nam do, hìu nhă ồng Thái Văn Thiện, kis tàm [òn 13, ntum Quảng Trực, kơnhoàl Tuy Đức, càr Dak Nông geh uă bơta chờ tài là nam sơnrờp ală cau tàm hìu geh wă rò satềp tàm hìu pa lơh bơh Trung đoàn 726 dong kờl. Hìu nhă ồng Thiện là hìu rơ[ah, dờp rơlao 2 lồ ù tam kơphe bơh Trung đoàn dê, geh ai sơntìl, phơng sih mờ bơto sồr tàm broă sền gàr, sơnka, tam bơrlu\ bal tòm tiêu… tơnơ\ mờ satềp, cau ling Trung đoàn 726 geh dong kờl làng bol l^k lơh broă. Ồng Thái Văn Thiện pà g^t: “Nam do, mpồl ling pà phe sa, pà phe mbar uă rơlao mờ ală nam. Priă kung geh uă rơlao, hơ\ sồng dà tơngi, [òk ngòt, sơdàng, dà mằn, boh bal mờ phan sa pah ngai tàm hìu nhă. Nam do, Trung đoàn pà geh tơl đao, jăt mờ ală nam lài làng bol chờ hờp rơlao. Mpồl ling kung bơyai lơh nhơl bơyai, coh plai hơ\ sồng đơs crih tamya đơs ngan là geh tơl lơm, làng bol chờ hờp ngan”.

Tàm hìu sơnơm ling klàng làng bol Trung đoàn 726, tàm ală nam do, uă dơ\ làng bol tàm tiah nhàr dà lơgar tus kham, sơm kòp mờ pà sơnơm ờ sa priă. Kuang bàng, cau ling lơh sơnơm tàm Trung đoàn 726 gam tus tơl [òn ngài ngan, còp mờ kham kòp ờ sa priă mờ bơto sồr làng bol tàm broă sơndră mờ ală kòp [uơn gơbàn tàm kàl prang. Ồng Điểu Đắc, kis tàm [òn Bu Prăng 2, ntum Quảng Trực yal là, lài do pah tu\ gơtìp kòp tê jê să, làng bol pal lòt gùng ngài tus tàm kơnhoàl hơ\ sồng geh hìu kham, sơm kòp. Pa do, làng bol kis tàm ntum Quảng Trực chờ hờp ngan tài ntum tiah nhàr dà lơgar do geh lơh hìu sơnơm ling klàng bal mờ làng bol mờ phan lơh sơnơm geh tơl lơm; kuang bàng, cau ling tàm hìu sơnơm neh jơh nùs drơng gàr bơta pràn kơl dang làng bol in: “Đơs ngan là kham, sơm kòp ờ pal lòt ngài tai. Rơndeh mìng là Trung đoàn 726 dê, hơ\ sồng tơl lơm ală măy mo\k drơng tàm broă kham mờ sơm kòp làng bol in. Nùs nhơm làng bol mờ Trung đoàn 726 den kung ndrờm mờ ling klàng bal mờ làng bol dê là 1 nùs, bè ka mờ dà, sa bal, ơm bal mờ làng bol, kuơ màng bè broă lơh sơnơm ling klàng bal mờ làng bol, gơwèt mờ làng bol dê là niam ngan, làng bol ưn ngài Trung đoàn uă ngan”.

Thượng uý, Y sỹ Nguyễn Đoàn Dũng, kuang jăt jơng atbồ hìu sơnơm ling klàng bal mờ làng bol Trung đoàn 726, Binh đoàn 16 tàm ntum Quảng Trực, kơnhoàl Tuy Đức, càr Dak Nông pà g^t: là tiah nhàr dà lơgar, tiah sar lơgar ngài, di tàm satềp pa do ngòt gơl^k geh uă ngan kòp gơtòp, tàm hơ\ uă ngan là khih phan sa, den tàng kuang bàng, cau ling lơh sơnơm gàr sùm 100%, chờ hờp satềp ndang mờ làng bol mờ gàr niam broă kham, sơm kòp, drơng gàr bơta pràn kơl dang să jan làng bol in: “Să tòm bol a` là ală bác sĩ ling klàng, cau ling lơh sơnơm neh tus lam sồr mờ bơto sồr làng bol tàm broă sơndră mờ kòp mờ bơto sồr làng bol tus hờ hìu sơnơm Trung đoàn dê kờ` sơm kòp mờ ba` pin dờn tàm ală bơhiàn ờ niam mờ duh khoai. 2, 3 nam pa do, làng bol neh pin dờn ngan tus mờ mpồl lơh sơnơm hìu sơnơm ling klàng Trung đoàn 726 dê. Geh ală tu\ bol a` gam ai rơndeh mờ lòt jơng tus tơn tàm [òn mờ kham làng bol in, bơto sồr làng bol tàm broă sơndră mờ kòp tê jê să mờ pơgồp bal mờ lam sồr bè gùng dà bơh Đảng, broă lơh Dà lơgar dê kờ` làng bol in, nàng làng bol pin dờn mờ Đảng mờ Dà lơgar, pin dờn mờ ling klàng, pin dờn tàm ală cau ling tiah nhàr dà lơgar”.

Ală broă lơh bơh kuang bàng, cau ling tàm Trung đoàn 726 neh bơ\t bơtàu nùs nhơm pin dờn, đềt mềr, tam klăc bal bơh ling klàng bal mờ làng bol. Ồng Điểu Long, kuang atbồ mpồl duh broă Đảng ntum Quảng Trực, kơnhoàl Tuy Đức đơs: gơnoar atbồ ntum bal mờ làng bol neh sền kuang bàng, cau ling bè cau tàm hìu nhă tòm, tam pà bal ală jơnau chờ, jơnau kal ke mờ lam sồr bal bơ\t bơtàu tiah nhàr dà lơgar sơlơ ngai sơlơ pas gơs: “Làng bol tàm do chờ hờp ngan dờp nùs nhơm ală mpồl ling tàm do, kuơ màng ngan là Trung đoàn 726, mpồl ling sền gàr tiah nhàr dà lơgar… Làng bol pin dờn mờ gùng dà, broă lơh bơh Đảng, adăt boh lam bơh Dà lơgar dê, tơriang tơriồng tàm broă lơh sa, chờ hờp nam pa geh cèng wơl bơta bơtoah làng bol in, ală [òn geh iang nùs lơh sa mờ tu\ lơi kung pơgồp bal mờ mpồl ling tàm do at kơ\ ngkơr phào sền gàr ù tiah tàm tiah nhàr dà lơgar”.

Bal mờ broă mut lơh niam kơnòl lơh sa sền gàr dà lơgar, bơt bơtàu mpồl sền gàr dà lơgar gùt làng bol tàm ală ntum tiah nhàr dà lơgar bơh kơnhoàl Tuy Đức, càr Daknông dê, Trung đoàn 726 sền gròi uă ngan tus broă lam sồr làng bol, bơt bơtàu uă broă lơh dong làng bol, mut lơh niam broă gàr tơl niam rài kis mpồl bơtiàn tàm [òn lơgar. Cau ai tơngit jơnau đơs Việt Nam tàm Tây Nguyên neh geh dơ\ boh bơr mờ Thiếu tá Nguyễn Văn Huệ, kuang jat jơng atbồ Trung đoàn 726, Binh đoàn 16 bè bơta do.

- Ơ Thiếu tá Nguyễn Văn Huệ, lài ngan dan ồng yal bè bơta pơn rơ is kung bè ờ uă kơnòl kuơ màng bơh mpồl ling dê?

Thiếu tá Nguyễn Văn Huệ: Trung đoàn 726 geh crơng gơs jat kơrnuat sồ 768 nam 1999 bơh Gah sền gàr dà lơgar dê mờ kơnòl bơtàu tơnguh lơh sa – mpồl bơtiàn, sền gàr ngap lơngai – sền gàr dà lơgar tàm [òn lơgar mờ mpồl ling lơh broă. Pơgồp bal mờ gơnoar atbồ làng bol rơndap tap sèng làng bol ntrờn ơm kis khat gơboh, kơ\ kơljap [òn làng bol ơm kis, ai geh broă lơh, tơnguh tai priă lơh geh, tơnguh niam rài kis cau lơh broă in… Bal mờ mpồl Đảng, gơnoar atbồ tàm [òn lơgar bơt bơtàu ù tiah kuơ màng tàm broă sền gàr dà lơgar, sền gàr ngap lơngai tiah nhàr dà lơgar. Mpồl ling lơh broă tàm 2 ntum là Quảng Tâm mờ Quảng Trực, kơnhoàl Tuy Đức, càr Daknông. Do là tiah kal ke mờ ơm jat gùng nhàr mờ lơgar Campuchia jòng rlau 20 kơi sồ. Ù tiah kal ke, trồ tiah den ờ niam. Bơh tu\ geh crơng gơs bal mờ bă ù geh Anih duh broă làng bol càr Daknông jàu atbồ, sền gàr rlau 4 rbô 500 lồ. Tus tu\ do, mpồl ling neh rồ mờ tam pa geh 791 lồ, tàm hơ\ kơphe là 521 lồ, gam wơl là tiêu, [ơ, mác ca… Bơh tu\ crơng gơs tus tu\ do, mpồl ling neh rơ wah rlau 120 nă cau lơh broă, 525 hìu nhă cau lơh broă jàu ơpah, uă ngan là hìu nhă làng bol kòn cau ơm kis bơh jo\ tàm [òn lơgar. Tu\ do rài kis làng bol dê geh bơtàu tơnguh mờ gơ rềng jo\ jòng mờ mpồl ling.

- Sa tềp bơhìan Bính Thân 2016 pa do kung là tu\ uă kuang bàng, cau ling ơm wơl mờ làng bol tiah nhàr lơgar mờ neh mut lơh uă broă lơh dong làng bol bè lơi?

Thiếu tá Nguyễn Văn Huệ: Bơdìh mut lơh niam kơnòl sền gàr dà lơgar, sền gàr ngap lơngai, mpồl ling kung lơh niam broă lam sồr làng bol tàm [òn lơgar mờ mpồl ling lơh broă. Sùm pơgồp bal mờ gơnoar atbồ tàm [òn lơgar mblàng yal, lam sồr làng bol mut lơh niam gùng dà, broă lơh bơh Đảng, bơta dong kờl, kơrnuat boh lam bơh dà lơgar dê, lam sồr làng bol ba` koh kơl aniai brê mờ sền gàr niam ù brê. Sùm lùp còp mờ pà phan hìu nhă kal ke in di ală ngai chờ, sa tềp.

Nàng làng bol chờ hờp wă rò sơnam pa, sa tềp, mpồl ling neh pà uă phan tus mờ ală hìu nhă dờp ơpah mờ cau lơh broă bơh mpồl ling dê. Bal mờ hơ\, ală hìu nhă, ală cau lơh broă geh rài kis kal ke den mpồl ling dong kờl tai 500 rbô. Bal mờ hơ\, mpồl ling kung pà sa tèp 1 tơlak 500 rbô priă tàm dùl nă cau lơh broă; 1 tơlak priă ai ală hìu nhă dờp ơpah in. Pà phan ală hìu nhă cau ling sồt să, cau ling chơt màng in. Chờ hờp sơnam pa, wă rò sa tềp, mpồl ling kung gàr niam broă kham, sơm kòp, pà sơnơm ờ sa priă ai làng bol tiah nhàr dà lơgar in. Mpồl ling neh mut lơh kham sơm kòp tus mờ rlau 800 dơ\ cau in, mờ khà priă rlau 71 tơlak. Bal mờ hơ\, gam mut lơh [ồm sơnơm rơcang sơndră kòp bơtờp, tram kơmùng mờ dà sơnam 275 nơm… Bal mờ hơ\, pơgồp bal mblàng yal, lam sồr làng bol mut lơh niam gùng dà, broă lơh bơh Đảng, bơta dong kờl, kơrnuat boh lam bơh dà lơgar dê, lam sồr làng bol chờ hờp wă rò sơnam pa, tryang trỳông lơh broă, bơtàu tơnguh lơh sa mpồl bơtìan tiah nhàr dà lơgar.

- Dùl sơnam pa tai neh tus, dan ồng yal bè jơnau kờp du\ mờ kơnòl kuơ màng bơh mpồl ling dê tàm tơngai tus?

Thiếu tá Nguyễn Văn Huệ: Kal ke mpồl ling dê là lơh broă tàm tiah nhàr dà lơgar, mờ tiah do den ờ hềt gơtùi tồt `jrong. Ù tiah den gam uă kal ke bè bơta git wă làng bol dê ờ huan uă, rài kis làng bol kòn cau tàm [òn lơgar kal ke, trồ tiah ờ niam, ù tiah kơh bơnơm den tàng broă tam ală bơta chi tam ờ [uơn… Tàm tơngai tus, kơnòl kuơ màng bơh mpồl ling dê là rề ơnàng bă ù, tam tai brê bè brê nho… Rơ wah tai cau lơh broă, ai geh broă lơh làng bol in, rơ wah tai ală hìu nhă dờp ơpah sền gàr brê mpồl ling dê. Mơkung pơgồp bal mờ gơnoar atbồ tàm [òn lơgar chồl pràn broă mblàng yal, lam sồr làng bol mut lơh niam gùng dà, broă lơh bơh Đảng, bơta dong kờl, kơrnuat boh lam bơh dà lơgar dê, lam sồr làng bol bơtàu tơnguh lơh sa, tơnguh rài kis làng bol kòn cau ơm kis bơh jo\ tàm [òn lơgar in.

- Ưn ngài ồng uă ngan neh tus bal dơ\ boh bơr do.