VOV4.K’ho - Geh crơng gơs nam 1945, Trung đoàn 95, Sư đoàn bộ binh 2, là mpồl ling tờm ngan bơh Quân khu 5 dê, neh ngai sơlơ dờng pràn, lơh geh ală jai pha dờng màng, pơgồp bơnah uă ngan tàm pha lin 2 dơ\ tam lơh tam dră bol sò tơm Tây mờ bol sò tơm Mỹ bơh jơi bơtiàn kòn cau he dê. Trung đoàn 95 neh 2 dơ\ pơn ìơ să ngan geh Đảng, dà lơgar pà khà jờng dờng màng: mpồl ling khin cha jak chài làng bol:

Tềng koèl kơh Mang Yang, càr Gia Lai ngai mut ngui anih kah kơlôi cau ling chơt màng Trung đoàn 95, cau ling sồt să Vũ Hồng Thái gơ lơh ngoh rơngac ngan: ồng kung gam bơtuah rlau mờ uă cau ling bal ồng dê. Tàm dơ\ tam lơh khin cha jak ngai 7/3/1975 tềng sơne\ 3 Plei Bôn, mpồl ling ồng dê neh cuh di 10 nơm rơndeh sơtang Mỹ. Mơya mpồl ling tus bal tam lơh geh 7 nă cau tàm ngai hơ\, 3 nă cau neh chơt phi să, tàm 4 nă cau gơtìp sồt să den mìng gam dùl nă ồng là ngac ngar ngan rlau jơh. Bal mờ hìu nhă bơh [òn dờng Hồ Chí Minh tus còp wơl tiah tam lơh lài do, `ggui tàm rơndeh chồl mờ tê, cau ling cau Vũ Hồng Thái ờ gơtùi ơt gơ hòr dà mat: “Tus còp di tiah mờ lài do he neh tam lơh, tiah mờ oh mi he chơt phi să, mơya kung geh ală cau tus tu\ do kung ờ hềt geh jòi bàn, a` moat jrùm ngan. A` gơtìp sồt să bè do là gam bơtuah ngan, den tàng bal mờ pơ ùr, oh kòn tus ndo nàng chi `àng jơh ală huềng suàn cau ling bal in, ală cau ờ hềt geh jòi bàn bồc ntìng. Git nđờ nam bloh, rê wơl tiah mờ he neh kis, tam lơh, sơn io kòn in go\ bă tiah tam lơh lài do, tiah geh dùl bơnah să an he dê, kung là jơnau nàng ală kòn bơto wơl kòn sau khi in tơnơ\ do git sền dờng màng tơngai kah yau”

Ồng Nguyễn Phước Toàn, cau măy rơndeh Trung đoàn nam 1974, tu\ pa tòm 20 sơnam, ngoh rơngac yal: tam lơh khin cha jak chài, mơya trung đoàn kung chơt phi să, roh rui uă ngan. Tu\ dà lơgar tơngklàs, ồng pơnjat tai rê tus tiah tam lơh, mơya là kờ` jòi tờ bồc ntìng ală cau ling bal neh chơt phi să. Ồng đơs: “Kah wơl ală kal ke lài do, kis mờ oh mi lòt ling bal, ờ git priă là `chi, mìng git kơp jơnau sồr là lòt gùng lơh kơ nòl. Nam 1976, tơngai tơnơ\ ngap lơngai bloh, mơya gam kal ke ngan, san ha bùm blàng, piang buh. Tu\ a` lòt tờ bồc ntìng cau ling chơt màng den uă ngan, lòt dùl poh pơndiang dùl rơndeh tơn, geh uă cau geh jòi bàn mơya ờ đal git mat sơnđan”

Lơh gơs pơn rơ Mpồl ling Mang Yang khin cha jak chài pal đơs tus tơngai tam lơh cui rơcai bơh Trung đoàn 95 dê bơh nam 1968 tus nam 1975 tàm tiah tam lơh Gialai, mờ kơnòl tờm là ơm gak tềng gùng dờng 19, ờ ai bol sò tơm jun ling bơh tiah ring tàm gùl lơgar tus Tây Nguyên. Trung tướng Ma Thanh Toàn, kuang bàng geh jơng tàm mpồl Đảng dà lơgar lài do, kuang đơng lam bồ Quân khu 2 lài do, kuang atbồ Trung  đoàn 95 lài do pà git, mpồl ling gơ gơs là bơta ngòt ngan bơh bol sò tơm dê tu\ ai ling lòt gan kùel Mang Yang, tài nùs nhơm tam lơh khin cha jak chài, ngac ngar, nhap nhar, mờ rlau mờ hơ\ là nùs nhơm sơr lèt gan kal ke, tàm bơta lơi kung geh pha lin. Trung tướng Ma Thanh Toàn kah wơl: “Bơta mờ a` kah ngan rlau jơh, hơ\ là dơ\ tam lơh bơh mpồl ling dê lòt tam lơh, gơ sơt dùl nơm rơndeh bơh kùel Mang Yang tus Hà Tam, jơh ală 73 nơm rơndeh, mờ tơl nă cau ling geh 3 nai prìt lir nàng gơm sa, ờ gam gar phe lơi. Hơ\ là bơhìan kong bòl glar, kal ke, ờ ngòt kal ke. Trung đoàn 95 geh jàu kơnòl mut tàm do den mìng jàu là gah tề lam geh jun phàu crong ai phan sa nàng ròng cau ling, nàng gơtùi tam lơh mờ bol sò tơm là Trung đoàn pal kơ lôi rơcang is. Den tàng là mìng git kơnờm tàm làng bol, mơya bơta kuơ màng tai tu\ hơ\ là tàm dùl đại đội den sồr 1 trung đội lòt lơh mìr, tam tơ ngời, tam bùm blàng nàng lơh geh is phan sa”

Lơh geh ală pha lin khin cha jak chài tàm 2 dơ\ tam lơh tam dră bol sò tơm Tây mờ Mỹ kung bè tàm broă lơh bơt bơtàu mờ sền gàr dà lơgar, Trung đoàn 95 mẹ 2 dơ\ pơn ìơ să ngan geh Đảng, dà lơgar pà khà jờng dờng màng ngan mpồl ling khin cha jak chài làng bol, 7 tiểu đoàn mờ 4 nă cau dùl nă să geh jờng rơ là cau ling khin cha jak chài.