VOV4.K’ho - Drơng rài kis phan bơna bal mờ nùs nhơm di tàm satềp ai kuang bàng, cau ling in, sủm geh ală mpồl ling ai là kơnòl kuơ màng, kờ` lam sồr ală kuang bàng, cau ling lơh jăt niam broă gàr niam bơta lơngăp lơngai, ờ do ờ dă kờ` làng bol in geh chờ wă rò satềp. Cau ai tơng^t jơnau đơs Việt Nam tàm Tây Nguyên neh geh dơ\ lùp Trung tá Đỗ Anh Hào, Bí thư  Đảng uỷ Chính uỷ Trung doàn 994 – Mpồl đơng lam ling klàng càr Dak Nông bè broă drơng gàr rài kis phan bơna, nùs nhơm ai ală kuang bàng, cau ling di tàm satềp tus do.

- Ơ Trung tá, broă drơng rài kis phan bơna bal mờ nùs nhơm cau ling di tàm satềp pah nam tus mờ Trung đoàn 994 – Mpồl đơng lam ling klàng càr Dak Nông neh geh lơh bè lơi kờ` cau ling geh chờ hờp satềp Đinh Dậu tus do?

Trung tá Đỗ Anh Hào: Tài geh bơta is là mpồl ling tu\ lơi kung rơcang lài tam lơh, bol a` neh bơyai lơh bơto, bơ\t bơtàu nùs nhơm g^t geh kơnòl kuang bàng, cau ling in kờ` ală cau in wă jơh kơnòl, iang nùs tàm broă sền gàr satềp. Kờ` tơl niam broă bơyai lơh satềp cau ling in chờ hờp, niam bơne\ mờ tềm pềr, ờ do ờ dă mờ tu\ lơi kung rơcang tam lơh uă, Đảng uỷ ală kơnă neh ai tơl^k ală gùng dà, broă lơh mùl màl. Tàm tơngu me hơ\, geh lơh ndrờm bal tus tàm gùt mpồl ling. Bơdìh mờ khà geh ai bơh gơnoar atbồ sồr, den mờ ală bơta pràn geh lơh is mpồl ling dê tai, bol a` dong kờl ală cau geh dờp sa priă nhai là 1 tơlăk 500 rơbô tàm 1 nă, mìng is ală hạ sĩ quan, binh sĩ den dong kờl 500 rơbô priă tàm 1 nă kờ` ai pơgồp bal tàm priă sa di tàm satềp. Tơnguh gơnoar anih lơh broă chính trị, kuang bàng chính trị ală kơnă kờ` bơyai lơh ală broă nhơl chờ, hòi jà geh gal kuang bàng, cau ling tus bal, khà priă bơyai lơh do geh tă bơh kes priă lơh ndrờm bal Trung đoàn dê mờ broă lơh sa tai mpồl ling dê là 100 rơbô priă tàm 1 nă ling.

- Ơi, bè hơ\, bơdìh mờ broă sền gròi tus mờ rài kis phan bơna ală cau ling in, den broă sền gròi tus mờ ală cau kal ke ndai bè cau ling sồt să, cau geh màng mờ dà lơgar geh Trung đoàn lơh bè lơi?

Trung tá Đỗ Anh Hào: Pơn jăt bal bơhiàn ờs mờng hùc dà kah tô dà bơh dà lơgar he dê, di tàm satềp nam pa tus, bol a` geh bơyai lơh ai 1 bơnah kuang bàng, cau ling lòt lơh broă lam sồr làng bol bè satềp bal mờ làng bol tàm do, bol a` neh lời 100 pò phan geh 500 rơbô priă tàm 1 pò kờ` còp să ală cau geh sră dong kờl bơh dà lơgar, tàm hơ\ tơrgùm ală hìu nhă cau ling sồt să, cau ling chơ\t màng, cau geh màng mờ dà lơgar bal mờ kuang bàng, cau ling tàm mpồl ling gơbàn kal ke. Tus bal pơs wàs kloh niam ală tiah tàm [òn, dong kờl Đảng uỷ, gơnoar atbồ bơka wơl hìu đam kờ` wă rò satềp, bơyai ai kuang bàng, cau ling in tus còp ală [làng tơ\p [ồc cau ling chơ\t màng... Mờ ală broă lơh mùl màl do, bol a` kơ\p kờ` geh pơgồp bal kuơ màng, mùl màl tàm broă bơto bơtê nùs nhơm niam bal mờ bơhiàn ờs mờng ai kuang bàng, cau ling in. Tơnguh nùs nhơm pin dờn đảng uỷ, gơnoar atbồ bal mờ làng bol neh ai ling klàng in tàm 72 nam do.

- Ơi, ưn ngài Trung tá, di bè hơ\, Trung đoàn neh geh ală rơndăp bnroă bal mờ broă lơh lơi kờ` ai kuang bàng, cau ling in geh wă rò satềp tềm pềr bè priă jền mờ tơl niam broă sào sa geh tơl phan bơkah mờ di pal mờ ngai satềp?

Trung tá Đỗ Anh Hào: Tàm tơngu me bơto sồr bơh anih lơh broă geh gơnoar dê, Trung đoàn neh rơcang đơng lam gah tru\ sa tàm mpồl ling, bơ\t bơtàu rơndăp broă nền nòn bè broă geh tơl mờ lơh jơh khà phan sa geh, tàm hơ\ geh ai tơnguh jơh bơta pràn mpồl ling dê di lah geh gơtùi sề gàr is biăp ris, ală bơta plai chi, kơnuh, poăc sur, poăc kơnrồ, iar, ơda ală bơta. Kờ` lơh jai broă do, bol a` neh sền wơl ală broă lài mờ satềp 3 nhai, bơh tu\ hơ\ geh tơnguh gơnoar anih lơh broă, mpồl ling dê tềng đăp mờ broă đơng lam tơrgùm bal bơh Đảng uỷ bal mờ cau đơng lam ală kơnă dê.

- Broă sền gròi kloh niam ờ do ờ dă tàm phan sa kung là broă lơh kuơ màng ngan tàm dơ\ do, bè hơ\, he geh ală broă lơh lơi kờ` geh ală phan sa kloh niam ờ do ờ dă tus mờ ală cau ling tàm ngai satềp ơ Trung tá?

Trung tá Đỗ Anh Hào: Kờ` gàr kloh niam ờ do ờ dă tàm phan sa den bol a` kung bơyai lơh uă broă sơl, tàm hơ\ tơrgùm tàm broă sền gàr nền nòn phan sa geh ai tus tàm broă tru\ sa cau ling in, sền gròi bè bơta niam bơh anih tam, lơh jăt sa sin hùc duh, tơnguh gơnoar geh kơnòl bơh cau đơng lam mờ mpồl ling lơh broă do bè ală cau ling lơh broă tru\ sa, lơh sơnơm tàm broă sền gròi, đơng lam, tru\ sa mờ sền gàr ală bơta phan lài mờ tu\ geh ai cau ling in sa. Lam sồr ală kuang bàng, cau ling ba` sa phan ờ loh anih lơh, ha là ờ geh mpồl ling sền gàr.

- Ơi, ưn ngài Trung tá!

     Cau cih mờ yal tơng^t Ndong Brawl