VOV4.K’ho- Tàm rài tam lơh tam dră mờ bol sò tơm Mỹ, tơngklàs dà lơgar , Đảng, dà lơgar mờ Chủ tịch Hồ Chí Minh lơh nền lơh gùng dong kờl kuơ màng Trường Sơn tàm jơh bal 2 gơl gùng tiah đah mat tơngai lik mờ tiah đah mat tơngai mut, neh pơgồp bơnah kuơ màng nàng ling klàng mờ làng bol lơh gơs dơ\ tam lơh pha lin kah yau kàl Prăng nam 1975.

Tơnơ\ ngai tơngklàs, tàm tiah đah mat tơngai mut neh lơh gơs Gùng rơndeh dờng 14, tu\ do geh lơh niam, pờ ơnàng gơ gơs gùng Hồ Chí Minh. Ai tam tiah đah mat tơngai lik, Chính phủ neh jàu Bộ Tổng tham mưu- Bộ Quốc phòng in lơh Rơndap broă lơh gùng Trường Sơn Đông. Gùng do geh bơta kuơ màng uă ngan bè dong kờl kuơ màng gàr lài, sền gàr dà lơgar, lơh pràn broă sền gàr dà lơgar- sền gàr lơngap lơngai mờ bơtàu tơnguh lơh sa- mpồl bơtìan.

Tàm hìu geh lơh kơ\ kơl jap ngan tàm sơnah [òn 5, thị trấn Kbang, kơnhoàl Kbang, càr Gia Lai, cau ling yau Lê Minh Trí sơrmah sơrmài chờ hờp wă rò ală mpồl ling yau tàm rài tam lơh bal. Jơnau mờng chài lơh sa, jơnau oh kòn kòn sau bơsram sră tus gùng tus dà geh cồng nha tus ală jơnau kah yau tàm rài tam lơh geh đơs hô hâng ngan tàm jơh [ùi bơh bơr dê bè là ờ gơtùi jơh.

Mờr 50 nam lài do, cau ling yau Lê Minh Trí, tus bal tam lơh tàm gùng Trường Sơn Đông. Bồm, gar nat cui rơcai ờ gơtùi kơryan nùs nhơm jơh nùs bơh ală cau ling bè ồng dê mờ dơ\ tam lơh bơh ling klàng mờ làng bol he dê tàm gùng ndu gơn rơh.

Gùng Trường Sơn Đông lòt gan kơnhoàl Kbang, càr Gia Lai 

Tơnơ\ ngai tơngklàs dà lơgar, ồng bal mờ uă cau ling bal là ală cau lam lài srơh tus bal bơtàu tơnguh lơh sa tàm ù tiah mờ ồng neh tam lơh, tu\ do là kơnhoàl Kbang, den ồng g^t loh làng ngan ală bơta tam gơl pa jat kềng gah gùng kah yau do.

Tơnơ\ ngai tơngklàs, bol a` den là ală cau ling rê wơl tàm kơh bơnơm, sền g^t ù tiah Kon Hà Nừng do, tàm jat kềng gah gùng tiah đah mat tơngai lik Trường Sơn do. Lài do, ờ geh gùng den gơtìp uă ngan kal ke bè broă pơn diang phan bơna, phan lơh bơh suơn sre. Mơya bơh tu\ geh gùng tiah đah mat tơngai lik Trường Sơn lòt gan den geh uă ngan bơta buơn, pơndiang phan bơna buơn ngan den priă tăc ală phan ring bal mờ drà kă bro. Bơdìh hơ\, den bol a` bal mờ làng bol, pơgồp bal mờ làng bol kòn cau tàm tiah do lòt bơtàu tơnguh lơh sa bè cau Yoan bol an sơl.

Bơh tiah lam lài là thị trấn Thạnh Mỹ, kơnhoàl Nam Giang, càr Quảng Nam, gùng Trường Sơn Đông geh bơcri priă lơh lòt gan càr Quảng Ngãi, Kon Tum den lòt tus càr Gia Lai, Dak Lak mờ Lâm Đồng. Tàm kơnhoàl Kbang – [òn tờm bơh ồng Núp dê ồng la cau ling khin cha jak chài, làng bol kòn cau Bahnar tàm do chờ hờp ngan tài bơh gơl gùng dềt lòt gan tàm brê nam lài tu\ do neh gơs gùng dờng ơning ơnàng geh lơh, lòt rê buơn ngan.

Dùl tàm ală làng bol kòn cau Bahnar êt ngan tàm xã khin cha jak chài Sơn Lang, kơnhoàl Kbang neh geh lòt còp Gơlang bồc Bác Hồ pà g^t, sền gùng dềt bơh Bác Hồ mờ Bộ Chính trị lơh nam lài do, tu\ do geh Dà lơgar bơcri priă lơh kơ\ kơl jap, pờ ơnàng, làng bol kòn cau tàm do sơlơ kah ngan Bác Hồ:

Làng bol bòl a` pơn ìơ să ngan tài bơh geh rơ wah nàng koh kơl dơm chi cèng nàng lơh Gơlang Bác Hồ in mờ a` bơtoah ngan neh geh lòt còp Gơlang Bác Hồ. Làng bol kờ` gơboh Bác Hồ ngan, kah ưn ngài ồng uă ngan, mìng pơlai là làng bol ờ hềt geh tìp ồng dơ\ lơi den ồng neh roh te\, làng bol moat jrùm uă ngan.

Gùng Trường Sơn Đông ndu gơn rơh nam lài, tu\ do neh geh bơcri priă pờ ơnàng, lòt gan uă tiah pôs đồng kac màng tàm 4 càr Tây Nguyên, tàm tơr bo\ uă tiah khin cha jak chài bè: xã Đăk Ring, Đăk Nên (càr Kon Tum); xã Sơn Lang, Tơ Tung, Đất Bằng, Yang Bắc (càr Gia Lai). Hơ\ kung là [òn tờm bơh ală cau ling khin cha jak chài bè: Đinh Núp, A Gió, Kpă K’lơng, Wừu....

Gùng Trường Sơn Đông lơh geh bơta kơ\p kơnờm kuơ màng ai broă bơtàu tơnguh lơh sa bơh làng bol kòn cau ơm kis tàm bơnơm Trường Sơn dê

Tàm ală ù tiah khin cha jak chài hơ\, ală cau ling khin cha jak chài hơ\, bal mờ gùng dềt Trường Sơn Đông nam lài do, neh pơgồp bơnah kuơ màng ngan lơh gơs dơ\ tam lơh phan li kàl Prăng nam 1975. Pơrya kah yau, bơta kuơ ngan ngồn kung bè bơta kuơ màng bơh gơl gùng Trường Sơn Đông dê neh geh đơs ngan. Mờ tu\ do, ală tiah do gam ngui, mờ lơh jat uă ngan rlau jơh bơta kuơ bơh gùng Trường Sơn Đông dê nàng ai bơta pràn bơtàu tơnguh lơh sa.

Ồng Nguyễn Trường, Chủ tịch UBND kơnhoàl Đăk Pơ, càr Gia Lai, pà g^t:

Gùng Trường Sơn Đông geh lơh lòt gan kơnhòal Đăk Pơ pơgap mờ do 10 nam, pal đơs là geh bơta kuơ màng uă ngan gơ wèt mờ kơnhoàl. Tơnơ\ tu\ geh gơl gùng do den bol a` kung neh lơh gơl gùng tàm ală xã lòt tus tiah đah mat tơngai mut. Bol a` lơh ală gùng bê tông tàm tơrbo\ mờ ală xã mờ ală [òn tus tàm gùng tiah đah mat tơngai lik Trường Sơn den lơh geh bơta buơn uă ngan ai làng bol in.

Mờ bơta kuơ màng pơgồp bơnah bơtàu tơnguh lơh sa- mpồl bơtìan, lơh pràn sền gàr dà lơgar, sền gàr lơngap lơngai. Rơndap broă lơh gùng Trường Sơn Đông ngan ngồn sơn đờm mut lơh nam 2007, bơh  Bộ Tổng tham mưu – Bộ Quốc phòng là cau tờm bơcri priă mờ khà priă bơcri rlau 10.000 tơmàn. Do là gùng lòt tus tàm 7 càr tiah tàm gùl lơgar mờ Tây Nguyên mờ bơta jòng pơgap 700 kơi sồ, gơ ơm  song bal mờ gùng Trường Sơn Tây ( gùng Hồ Chí Minh tu\ do) mờ Gùng rơndeh dờng 1A. Pe gùng tờm do tàm tơrbo\ bal gan ală gùng rơndeh dờng: 19, 25, 26, 27, 29, 14B, 14E, 40B… lơh gơs ală gùng lòt tàm tơr bo\ bal mờ lòt tus tàm jơh tiah tàm gùl lơgar mờ Tây Nguyên.

Jat Thiếu tướng Nguyễn Bá Tòng, cau ling khin cha jak chài phàu crong, lài do là Phó Tư lệnh Chính trị Binh đoàn 12, Phó chủ tịch Mpồl bơhìan Mpồl ling Trường Sơn – Hồ Chí Minh, ală gơl gùng do là bơta kơ\p gơn kuơ màng nàng bơtàu tơnguh lơh sa– mpồl bơtìan bơh làng bol kòn cau tàm bơnơm Trường Sơn.

Dơ\ dùl là, gơl gùng dong làng bol kòn cau tàm bơnơm Trường Sơn lơh niam wơl bè gùng lòt rê mờ  gùng lòt. Mờ lơh niam bè gah gùng lòt hơ\ den lơh sa bơtàu tơnguh. Tài bơh lài òr ờ geh gùng den lơh is sa is, mơya tu\ do neh geh gùng den jơh ală phan bơna lơh geh bơh làng bol dê geh pơn diang lòt làm bă tiah, geh tăc jat tàm khà priă drà kă bro dê. Bơh hơ\ lơh rài kis làng bol tàm bơnơm Trường Sơn niam rlau tai.

Gùng dềt tiah đah mat tơngai lik Trường Sơn ndu gơn rơh nam lài do bal mờ làng bol ală jơi bơtìan kòn cau ơm kis tàm bơnơm Trường Sơn dờng ơning ơnàng neh dùl nùs tam klăc bal, jat Đảng, jat Bác Hồ, lơh gơs bơta tam lơh pha lin pơn rơ ngan, tơngklàs tiah đah Jum dà lơgar, tơrgùm dùl dà lơgar.

Tơnơ\ 60 nam kờp bơh ngai pờ ơnàng, gùng ndu gơnrơh hơ\ pơn jat tai geh Dà lơgar bơcri priă pờ ơnàng, tàm tơrbo\ mờ ală tiah khin cha jak chài tàm bơnơm Trường Sơn, lơh jat broă lơh kuơ màng gàr lài, sền gàr dà lơgar, lơh pràn sền gàr lơngap lơngai – sền gàr dà lơgar mờ bơtàu tơnguh lơh sa – mpồl bơtìan tiah tàm gùl lơgar mờ Tây Nguyên.

Cau mblàng K’ Hạnh