VOV4.K’ho - Bơh nam 2011, Kuang gơs gơnăp gơnuar atbồ hờđang rlao jơh dà lơgar geh broă lơh krơi is tus mờ cau geh bơngă tàm ală làng bol kòn cau mờ ală tơngume loh làng geh kuơ ngan, jơnau do ai go\ Đảng mờ Dà lơgar he sền dờng màng gơnuar broă kuơmàng bơh cau geh bơngă dê tàm broă ơh bơ\t bơtàu mờ sền gàr dà lơgar. Tàm Dak Nông, mờr 300 nă cau geh bơngă neh tơngo\ loh làng ngan gơnuar broă la cau yal wơl nàng gùng dà broă lơh bơh Đảng mờ kơrnuat boh lam Dà lơgar dê tus geh mờ làng bol bòn lơgar kòn cau dùl bă mhar ngan mờ geh cồng nha ngan rlau jơh.

Ồng K’ Bi kis tàm ntum Dak Nia, [òn drà Gia Nghĩa, càr Dak Nông là kuang atbồ mpồl cau dờng sơnam ntum mờ là kra [òn tàm [òn Busop. Uă nam do, ồng sùm lam lài tàm broă tơnguh bơtàu lơh sa mờ tơn jơh jơgloh, tơmù rơ[ah, lơh ngan ngui broă lơh sa pa tàm broă tam mờ sền gàr kơphe, tiêu, pah nam hìu nhă ồng geh g^t nđờ rơhiang tơlăk priă. Ờ pal đơs uă, go\ broă lơh sa hìu nhă ồng tơnguh bơtàu den làng bol tàm [òn đòn jăt lơh bal is. Ồng K’Bi gam tus tơl hìu kờ` lam sồr làng bol tus bal tàm dră mờ ală bơta ờ niam tàm mpồl bơtiàn, bơ\t bơtàu rài kis chài rơgơi pa, sền gàr niam bơhiàn chài rơgơi kòn cau, tus bal bơsong mờp cah rơ`a ală dơ\ tam lah, tam ring tàm rài kis [òn lơgar. Go\ geh bơngă pin dờn bơh ồng K’Bi dê tus mờ mpồl bơtiàn, neh geh uă dơ\ cau ờ niam pơn jiồh, kờ` lơh tam cah mpồl tam klăc gùt jơi bơtiàn kòn cau. Kơ\ kơl jăp bè tòm Kơnia tàm gùl [òn mờ bơnơm Tây Nguyên dê, ồng K’ Bi đơs:“Nam 1989 geh sră hòi rê lơgar bơdìh jăt gah HO, mơya a` ờ rê tài a` go\ [òn lơgar a` niam, broă lơh sa, hơ\ là geh ù tiah, làng bol oh wa, a` go\ rê lơgar bơdìh là tiah lơgar cau dê, den tàng a` ờ gơtùi kis den tàng a` ơm ờ lòt”.

Là kuang atbồ mpồl cau dờng sơnam ntum Dak Rtih, kơnhoàl Tuy Đức, mờ là cau pơgru bơto tàm kai bơsram 1 lài do, ồng Điểu Nơi kung geh gơnoar atbồ pin dờn mờ làng bol gơboh tài nùs nhơm lam lài tàm broă pơlòng kờ` gơboh mờ dà lơgar. Hìu nhă ồng là 1 tàm ală hìu lam lài tam cao su jăt rơndăp broă lơh cao su suơn dềt mờ lơh ngan ngui broă lơh sa pa tàm broă lơh, den tàng cồng nha broă lơh sa tàm suơn cao su hìu ồng dê sùm geh cồng nha uă. Tàm tơngai tòm cao su geh khà priă, pah ngai, hìu nhă ồng geh rơlao 1 tơlăk priă. Ồng sùm tam pà broă mờng chài tàm broă lơh sa, lam sồr làng bol kòn cau Mnông lơh ngan tàm broă lơh sa. Mờ bơyai lơh lam sồr jăt gùng dà, broă lơh bơh Đảng, adăt boh lam bơh dà lơgar dê tus mờ làng bol tàm [òn, tàm ntum. Bơta kờ` đơs ngan là bơh tàm broă g^t còr bơsơ\t cao su tus mờ ală broă lơh dờng Đảng dê ndrờm geh ông2 lam sồr làng bol tàm [òn lơh jăt mờ broă lơh [uơn wă ngan. Ồng Điểu Nơi tam pà bal broă lam sồr làng bol bè do:“Pah tu\ lòt tus tàm ală [òn, a` he pal ngui adăt boh lam, gùng dà broă lơh Đảng dà lơgar dê, tơnơ\ mờ hơ\, hơ\ sồng mblàng wơl mờ dà yoan. Mờ dà kòn cau den bè hơ\ làng bol [uơn wă rơlao, di lah he yal di tơn mờ pang sră cih, ồng kra, mò kra lài do ờ wă dà yoan den tàng cau ờ bài iăt. Mờ broă mờng chài a` dê, hơ\ là he mblàng wơl bơh dà yoan kờ` bơto pơlam gùng dà, broă lơh đảng dà lơgar dê, den làng bol [uơn wă ngan”.

Tàm ală ngai do, trồ tiah mrềt, mơya ồng Điểu Đắt kuang jăt jơng atbồ [òn Bu Prăng 1, ntum Quảng Trực, kơnhoàl Tuy Đức gam bal mờ làng bol lòt jì suơn tòm mắc ca. Lơh broă bal mờ mpồl ơruh pơnu, cri bơyai bal mờ broă crơng gơs mpồl nhơl bơlai [òn dê, ồng sùm g^t tàm broă tơrgùm bơta pràn mpồl bơtiàn, nền nòn tàm broă tam klăc mờ ală broă lơh [uơn niam bè hơ\, mờ kung kơnờm mờ hơ\ den tàng ồng neh bal mờ mpồl ling sền gàr tiah nhàr dà lơgar, gơnuar atbồ ntum neh lam sồr geh 28 hìu bơh [òn yau tus ơm kis tàm [òn Bu Prang 1.

Geh dà lơgar jàu ù mờ suơn tòm mắc ca, ồng lam sồr làng bol iang nùs tàm rài kis, lơh ngan lơh sa, kờ` tơn jơh jơgloh, tơmù rơ[ah, ồng gam dong kờl mpồl ling sền gàr tiah nhàr dà lơgar tus bal sền gàr tiah nhàr dà lơgar. Ồng Điểu Đắt đơs:“Mpồl ling sền gàr tiah nhàr dà lơgar rềp ngan là mpồl ling sồ 10 lơh broă tàm [òn, [òn kung pơgồp bal mờ kuang bàng lơh broă lam sồr mpồl ling dê, sền gròi tus mờ broă bơto bơtê làng bol sền gàr bal tiah nhàr dà lơgar kơl jăp dà lơgar”.

G^t gơnoar kuơ màng bơh ală kra [òn tàm mpồl bơtiàn làng bol kòn cau Tây Nguyên dê, tơngai pa do, càr Dak Nông neh ai rơlao 1 tơmàn 500 tơlăk priă kờ` lơh jăt broă dong kờl tus mờ cau geh bơngă pin dờng bè lam sồr ai jơnau tơng^t bè gùng dà, broă lơh bơh Đảng, adăt boh lam bơh Dà lơgar dê; bơta mờ kơnòl tơnguh bơtàu lơh sa-mpồl bơtiàn tơl niam, gàr niam bơta lơngăp lơngai dà lơgar tàm [òn ơm kis, bơyai tus sền mờ pà phan, di tu\ lam sồr kra [òn, kuang atbồ [òn ală cau geh bơngă pin dờn tàm mpồl bơtiàn di tàm ală dơ\ satềp, ngai kuơ màng. Kuơ màng ngan, tàm nam 2014, càr Dak Nông neh bơyai lơh geh cồng nha pơrjum dờng ală jơi bơtiàn kòn cau dơ\ 2, bơh tu\ hơ\ pơn jờng ală broă pơgồp bal bơh làng bol kòn cau dê tàm broă bơ\t bơtàu mờ sền gàr dà lơgar, tàm hơ\ tơl^k gơnuar kuơ màng cau geh bơngă pin dờ` tàm mpồl bơtiàn dê.

Mờ broă sền gròi bơh Đảng mờ Dà lơgar kờ` ală cau geh bơngă pin dờn tơnguh bơta pràn gơnuar broă lơh, tus bal pơgồp bal bơta ngăc ngar kung bè broă mờng chài tàm broă bơ\t bơtàu mờ sền gàr dà lơgar.

K’ Hạnh ngui bơh Anih sơdio rùp Dak Nông, }au mblàng Ndong Brawl.