VOV4.K’ho – Drim ngai 16/8, tàm [làng dờng Tân Trào, càr Tuyên Quang geh bơyai lơh tơngkah 70 nam ngai bơyai lơh pơrjum dà lơgar làng bol Tân Trào. Ồng Nguyễn Sinh Hùng kuang atbồ Gơnoar ala mat dà lơgar mờ ală kuang đơng lam bồ Đảng, dà lơgar lài do neh tus bal. Ồng Nguyễn Sinh Hùng đơs tờm, pơrjum dà lơgar làng bol Tân Trào geh bơyai lơh tàm 2 ngai, ngai 16 mờ ngai 17/8/1945 cèng bơta kuơ kah yau bè pơrjum Diên Hồng kac màng dê. Pơrjum dà lơgar làng bol Tân Trào là bơta bơceh pa niam ngan bơh Bác Hồ, bơh Đảng mờ Mpồl Việt Minh dê tàm broă bơtàu tơnguh nùs nhơm, bơta pràn gùt jơi bơtiàn tàm broă tam lơh kac màng, bơt bơtàu kơrnuat dà lơgar pa, sơn đờm tus mờ kac màng Việt Nam ai geh pha lin tàm broă lơh tam lơh ai ngap lơngai is jơi bơtiàn in, tơr gùm dùl dà lơgar Việt Nam, bơt bơtàu, sền gàr mờ bơtàu tơnguh dà lơgar. Nùs nhơm dơ\ pơrjum dê geh sùm là jơnau bơsram mờng chài geh kuơ ngan pal geh mut ngui nhap nhar tàm broă lơh tam gơl pa dà lơgar, tam gơl pa bơta niam, cồng nha lơh broă bơh Gơnoar ala mat dà lơgar dê.

                                                                                  Cau mblàng K' Duẩn.