VOV4.K’ho - Mpồl đơng lam Đảng bộ càr Gia Lai pa bơyai lơh pơrjum dơ\ 22 (pờ ơnàng). Broă rơcang sơndră mờ kòp bạch hầu bal mờ broă bơsong jơh bơta yal yă yal khài gal cau, jo\ tơngai tàm càr là ală broă dờp geh broă sền gròi ngan bơh uă kuang bàng.

Tài gơrềng bơh bơta ờ niam kòp Covid-19, 6 nhai bồ nam, khà gơguh lơh sa càr Gia Lai geh 4,16%. Bal mờ hơ\, trồ prang jo\ lơh rơlao 8 rơbô lồ phan tam gơtìp aniai; khà bơcri priă dà lơgar càr dê mìng rơ\p geh 37% khà rơndăp broă; tă dia tàm kes priă kờp du\ geh rơlao 2 rơbô tơmàn đong, ờ uă rơlao mờ tu\ do nam lài 7,24%.

Broă lơh sa gơtìp kal ke, mơya càr Gia Lai neh lơh jăk broă rơcang sơndră mờ kòp Covid-19, gàr niam rài kis lơh broă sa mpồl bơtiàn, gàr niam bơta lơngăp lơngai chính trị ờ do ờ dă mpồl bơtiàn.

Bu\ lah bè hơ\, tàm càr gam gơbàn uă broă ờ niam, tàm hơ\ uă ngan là kòp bạch hầu gơbàn pa do mờ bơta yal yă yal khài gal cau, jo\ tơngai.

Gơwèt mờ bơta ờ su\k ơm bè cau kòp bạch hầu sơnrờp ngan tàm càr bu\ lah neh geh c^t tơl 4 ding sơnơm vaccine, mơya kung gam gơbàn chơ\t tơnơ\ mờ 2 ngai piam kòp tàm hìu sơnơm, ồng Mai Xuân Hải, kuang atbồ Sở Y tế càr Gia Lai đơs là, gơtìp bơta do di gơlan là cau kòp gơwèt mpồl di pal ờ uă mờ sơnơm vaccine.

Tu\ geh gơbàn kòp, cau kòp ờ cèng tus hờ hìu sơnơm mhar nàng sơm kòp. Tu\ do, Sở Y tế càr Gia Lai neh lơh jăt ală broă lơh mhar nàng rơcang sơndră mờ kòp bạch hầu gơtòp:

-Tơnơ\ mờ tu\ geh cồng nha xét nghiệm, bol a` neh bơyai lơh kloh niam tiah kis, hìu nhă, ală hìu gùt dar hìu cau gơtìp kòp tàm 200 tơhơ\k; kham rơwah mờ ai làng bol hùc sơnơm sơm kòp rơcang lài; dan mờ UBND càr tơl^k sră nggal đơng lam ală kơnhoàl, thị xã, [òn dờng tus bal tàm broă rơcang sơndră mờ kòp bạch hầu.

Bè broă yal yă yal khài gal cau, jo\ tơngai tàm rơndăp broă lơh tiah tòm lơh broă sră nggal mờ tiah [òn drà sinh thái đah măt tơngai l^k thị trấn Chư Sê mờ broă tơm bơtơl ai 32 hìu làng bol tàm xã Dun mờ Ia Pal, kơnhoàl Chư Sê, ală kuang bàng đơs là tàm broă bơsong broă, geh tơngo\ bơta tàm chul bal bơh ală mpồl lơh broă gơrềng bal.

Ồng Võ Ngọc Thành, Phó Bí thư Tỉnh uỷ Gia Lai đơs là, pa do, mờ gơnoar broă là Chủ tịch UBND càr, ồng neh đơng lam dơ\ pơrjum mờ Chủ tịch UBND kơnhoàl Chư Sê, sồr bơsong jơh broă yal yă yal khài làng bol dê.

Di lah tus tơngai geh ai, UBND kơnhoàl Chư Sê ờ lơh jăt, cau lam bồ geh gơtìp sền wơl kơnòl broă lơh. Jơnau yal bè ală broă do, ồng Nguyễn Hồng Hà, Bí thư Huyện uỷ Chư Sê dờp geh bơta ờ pràn bơh gơnoar atbồ kơnhoàl dê:

-Ờ pràn tàm do là broă pơgồp bal bơh UBND kơnhoàl Chư Sê mờ ală gah, mpồl lơh broă tàm càr là lơyài, jơla, geh uă nùs nhơm ờ ndrờm bal. Tơnơ\ mờ jơnau đơng lam bơh UBND càr tàm ngai 02 nhai 7, den UBND kơnhoàl hơ\ sồng mu\t sơn đờm lơh jăt, kung là dơ\ sơnrờp yal Ban Thường vụ Huyện uỷ.

A` mờ gơnoar broă là Bí thư Huyện uỷ mờ Chủ tịch UBND kơnhoàl neh tìp mờ làng bol, sồr UBND kơnhoàl lơh di mờ kơrnoăt tàm adăt boh lam.

Đơs tàm dơ\ pơn du\t pơrjum, ồng Võ Ngọc Thành, Phó Bí thư Tỉnh Uỷ Gia Lai sồr mpồl Đảng bộ càr tơrgùm đơng lam, đơng lam bơsong ală broă gam gơbàn, kal ke; chồl pràn broă lơh sa tơnguh bơtàu; rơcang hòi jà ală mpồl bơcri priă pa; chồl pràn broă lam sồr nhơl chờ, ngui sa.

Ồng đơs uă tus mờ broă pal bơsong mhar ală broă gam gơbàn uă tu\ do, lài mờ pơrjum dờng Đảng bồ càr:

-Tơrgùm kơrian kòp gơtòp, bơdìh mờ kòp Covid-19, den he pal tơrgùm lơh niam broă rơcang sơndră mờ kòp bạch hầu; rơcang sơndră mờ mìu càl dờng, ală broă lơh bơtơ\t rơbòng dà gam geh tơngai nàng he rơcang lài; tơrgùm bơsong ală broă bè bơta lơngăp lơngai ờ do ờ dă mpồl bơtiàn, tàm hơ\ uă ngan là ală tiah gơbàn uă bè bơta lơngăp lơngai [òn lơgar.

Cau cih Nguyễn Thảo- Cau mblàng Ndong Brawl