VOV4.K’ho – Di ngai dunia cau dờng sơnam, 1/10, mpồl ala mat mpồl cau dờng sơnam càr Daklak pơgồp bal mờ Gah lơh broă cau ling sồt să mờ mpồl bơtiàn càr bơyai lơh ală mpồl lòt còp mờ pà mờr 800 bơnah phan kờp tus mờr 366 tơlak priă ai ală ồng mò tòm 90 mờ tòm 100 sơnam. Bal mờ hơ\, mpồl cau dờng sơnam ală kơnă kung bơyai lơh uă broă lơh bè tìp mat, nting sap gờm chờ kis jo\, boh bơr, tìp mat đơs crih tamya đah ală mpồl cau dờng sơnam tàm [òn lơgar, còp mờ pà phan ală ồng mò geh rài kis kal ke, kòp jê, kis dùl nă să. Mò Hồ Thị Thúy Do, atbồ mpồl ala mat mpồl cau dờng sơnam càr Daklak pà git: “ Pah nam tu\ tus ngai 1/10 den bơyai lơh ală mpồl lòt còp mờ pà phan ală ồng mò tòm 100 sơnam mờ tòm 90 sơnam mờ dờp geh gơnoar jàu bơh kuang atbồ lơgar mờ kuang atbồ càr dê. Tàm tơngai bơh ngai 20 tus ngai 30/9 den phan pà bơh kuang atbồ lơgar mờ kuang atbồ càr dê neh jun tus cơldu\ lơh broă cau ling sồt să mờ mpồl bơtiàn ală kơnhoàl, mơkung lòt còp tơl kơnhoàl 3 nă ồng mò geh pơn rơ tàm khà ală ồng mò 90 sơnam, 100 sơnam mờ pơyua phan pà bơh kuang atbồ lơgar dê ai ală ồng mò in. Đơs bal ală ồng mò chờ hờp ngan. Bơdìh phan pà den ală kơnhoàl kung geh jơnau bơceh di tu\ do pà phan ală ồng mò geh rài kis kal ke, ồng mò gơbàn kòp bè mat.”

                  Cau cih mờ yal tơnggit K’ Duẩn.