VOV4.K’ho – Mho ngai 27 nhai 5, Mpồl ơruh pơnu Hìu bơsram Đại học Tây Nguyên bơyai lơh Pơrjum dờng Cau ala mat dơ\ 17, tơngai lơh broă bơh nam 2017- 2019.

Pơrjum dờng mpồl ơruh pơnu hìu bơsram Đại học Tây Nguyên

Mờ jơnau đơs “Cau bơsram dờng Đại học Tây Nguyên jak tàm broă lơh, kơ\ kơl jăp nùs nhơm chính trị, bồ tơngoh nùs nhơm àng loh, pràn bè să jan”, tơngai lơh broă pa do, rơnàng kơnòm să Đại học Tây Nguyên neh jơh lơh ală broă, broă rơndăp lơh neh ai. Mùl màl, neh bơyai lơh 15 dơ\ lơh uă “Ngai dơ\ poh lơh broă dong kờl is”, “Ngai rlô tơlir”, khòm tơrgùm sồ siă tuh bơdìh, lơh kloh niam tiah ơm kis bal mờ rlau 11 rbô nă đoàn viên tus lơh bal. Rlau 6.200 nă cau bơsram dờng neh lòt pà mhàm dong kờl is. Bal mờ hơ\, ală broă lơh duh hồl bè “Kàl rơlô bơkang tơlir”, “Dong kờl kàl pơrlòng”, “bồ nam pa lơh broă dong kờl is”…geh gal ngan đoàn viên, ơruh pơnu jơh nùs lơh jat.

Tàm tiah lơh sa mờ măy mo\k Hoà Bình, [òn dờng Kon Tum, Mpồl ơruh pơnu càr Kon Tum neh bơyai lơh ngai chờ ơruh pơnu lơh broă sa priă nhai pơgồp bal mờ ngai ơruh pơnu nam 2017.

Ơruh pơnu càr Kon Tum tus bal ai mhàm is

Ngai chờ do neh hòi jà geh 100 nă ơruh pơnu tus bal ai mhàm is, cồng nha geh 75 kơl dung mhàm kờ` ai mhàm prăp hìu sơnơm càr Kon Tum in; jào kơrnoăt crơng gơs 5 mpồl ơruh pơnu tàm 5 anih lơh sa kă bro bơdìh mờ dà lơgar sền gròi; pà 55 pò phan tơl pò phan geh 400 rơbô priă ai 55 hìu nhă cau lơh broă sa priă nhai geh rài kis kal ke in; pà 40 khà priă bơsram, tơl khà geh 500 rơbô priă ai 40 nă kơnòm bơsram là kòn cau lơh broă sa priă nhai geh rài kis rơ[ah bơsram jăk in; pà 60 pò dà toh Vinamilk mờ phan pà geh 200 rơbô priă tàm 1 nă ai oh kòn cau lơh broă sa priă nhai geh rài kis kal ke in…

Tàm Hìu bơsram cấp một Lê Văn Tám tàm xã Nâm Nung, kơnhoàl Krông Nô, càr Dak Nông, Mpồl ơruh pơnu càr Dak Nông pơgồp bal mờ Ban ơruh pơnu Công nhân mờ Mpồl ơruh pơnu tiah drà dà lơgar, Trung tâm ơruh pơnu, kơnòm pa dờng tiah đah jum dà lơgar, mờ Công ty Bảo mật Nam Trường Sơn bơyai lơh pà phan ai ală kơnòm bơsram geh rài kis kal ke tàm ù tiah xã Nâm Nung in.

Pà phan kơnòm bơsram tàm xã Mân Nung, kơnhoàl Krông Nô, càr Dak Nông in

Pơn jat hơ\, mpồl neh jàu pà 400 bơnah phan, tàm hơ\ geh sră cih, kong tàp, gai cih, mờ 10 nơm rơndeh coh ai ală kơnòm bơsram cấp một mờ cấp hai tàm ù tiah xã dê in, mờ kờp jơh priă là rlau 100 tơlak.

Ală kơnòm dềt tàm càr Dak Nông geh pơn jờng

Mùl màl lơh broă chờ gờm tơnkah 76 nam ngai crơng gơs mpồl Thiếu niên Tiền phong Hồ Chính Minh, Hội đồng Đội càr Dak Nông pa bơyai lơh pơrjum kơnòm dềt ală jơi bơtiàn kòn cau geh pơnrơ jăk mờ kơnòm dềt rơ[ah bơsram jăk càr dơ\ 2, nam bơsram 2016-2017. Tàm do, Hội đồng Đội càr Dak Nông neh pơn jờng 40 nă kơnòm dềt geh pơnrơ jăk là ală oh geh rài kis kal ke, mơya lơh ngan bơsram geh khà jăk tàm broă bơsram sră.

                                    Cau cih mờ yal tơng^t Lơmu K’ Yến - Ndong Brawl