VOV4.K’ho – Drim òr 26/7, tàm Hà Nội neh yu\ rơyùm bơyai lơh Pơrjum jờng rơ cau geh màng mờ dà lơgar pơnrơ jak gùt lơgar.

Ala mat kuang đơng lam bồ Đảng, Dà lơgar, Thủ tướng Nguyễn Xuân Phúc neh geh jơnau đơs sền dờng màng ngan pơyua tus ală oh mi là kuang bàng kăc màng dờng sơnam, ală Mè Việt Nam Khin cha jak chài, Cau khin cha jak chài mpồl ling klàng phàu crong, cau ling sồt să, cau ling kòp tê jê să, cau pròc mhàm tờm cau ling chơ\t màng, cau geh màng mờ dà lơgar ală nùs nhơm jrô ơnàng mờ jơnau còp să đềt mềr mờ jơh nùs ngan.

Thủ tướng đơs ngan là: Đảng, Dà lơgar mờ làng bol he dùl nùs bal kơ\p kờ` pơn jat tai sền gròi dong kờl wil tơl nàng rài kis phan bơna mờ nùs nhơm bơh cau geh màng mờ dà lơgar dê ngai sơlơ wil tơl mờ niam bơne\ rlau tai. Lơh ngan tus nam 2020, 100% hìu bơnhă cau geh màng mờ dà lơgar geh rài kis ndrờm bal halà jơnhoa rlau mờ rài kis kờp bal bơh làng bol tàm tiah ơm kis dê.

Ngai òr, 26/7, tàm càr Quảng Trị, Phó Chủ tịch Quốc hội mò Tòng Thị Phóng neh mut lơh uă broă lơh kah ưn ngài cau geh màng mờ dà lơgar mờ tus bal dơ\ bơyai lơh ai rơndeh lòt rê rơbàng Thành Cổ bă gan dà dờng Thạch Hãn.

Phó Chủ tịch Quốc hội neh tus ơn guàng bơkàu, chu `àng kah kơlôi ală cau ling chơt màng tàm [làng tơp bồc cau ling chơt màng dà lơgar Trường Sơn, [làng tơp bồc cau ling chơt màng dà lơgar gùng 9, [làng tơp bồc cau ling chơt màng kơnhoàl Triệu Phong, càr Quàng Trị. Phó Chủ tịch Quốc hội bal mờ mpồl lơh broă neh tus còp mờ pà phan ờ uă hìu nhă geh sră dong kờl bơh dà lơgar, cau geh màng mờ dà lơgar mờ hìu nhă gơtìp hoàc huơr tàm dơ\ mìu càl rơbut pa do lơh aniai.

Tơngkah 70 nam Ngai Cau ling sồt să, Cau ling chơ\t màng, mang òr 26/7, Kuang đơng lam Đảng, Dà lơgar neh tus bal dơ\ lơh sơ`io rùp pờ tơlik tơn sơnđan mat “Rùp să `ă ntàu Việt Nam” tàm 4 anih, là: Hà Nội, Thái Nguyên, [òn dờng yau Quảng Trị, mờ địa đạo Củ Chi tàm [òn dờng Hồ Chí Minh.

Bal mờ ală jơnau đơs crih tam ya niam bơne\ ngan tàm 4 anih sơ`io rùp tơn, broă lơh do gam pơyua tus cau sền in uă jơnau yal krơi is ngan bè ală tu\ tam lơh, phi să bơh ală cau ling chơ\t màng dê kung bè gùng lòt jòi [ồc ntìng cau ling chơ\t màng bơh hìu bơnhă, cau lòt ling bal dê.

Broă lơh sơ`io rùp tơn Rùp să `ă ntàu Việt Nam gơlơh bè dùl jơnau đơs ngan là rơnàng kơnòm să cau Việt Nam tu\ do ờ go\ tu\ lơi hiu\ ală dà kơlhề dờng ngan bơh ală cau ling neh chơ\t phi să tài bơh Dà lơgar. Nùs kờ` gơboh dà lơgar geh sơlơ uă tai mờ lời wơl mờ đòm jat bơh rơnàng bèp rơnàng ồng tus dì ală rơnàng cau kơnòm să.

Cau cih mờ yal tơngi\t- Lơ Mu K’ Yến