VOV4.K’ho - Trồ tiah tàm ală càr tiat tàm gùl lơgar tàm ngai te\ khà mrềt niam. Tàm ờ uă tiah geh mìu mơya ờ lơh kal ke tus mờ broă te\ khà. Tus 5 jơ mho òr (22/5), ală càr, [òn dờng tiah tàm gùl lơgar neh lơh gơs gờ` dơ\ te\ khà kuang bàng tàm Gơnoar ala măt dà lơgar kơnă 14 mờ mpồl duh broă ala măt làng bol ală kơnă tơngai lơh broă bơh nam 2016 tus 2021.

Tàm càr Quảng Bình, gam tàm kàl tơwès kòi kàl hàm, den tàng làng bol neh lòt đùh sră gờ` kờ` lòt tơwèt kòi. Tàm ală ntum jăt gah dà lềng, gal làng bol lơh ka kung neh lòt đùh sră te\ khà gờ`. Uă ơhò lơh ka ngài tàm dà lềng neh di tu\ rê kờ` cau lơh ka lòt đùh sră te\ khà. Tus 5 jơh mho òr (22/5), càr Quảng Bình neh geh mờr 97% khà cau te\ khà lòt đùh sră. Ală ntum bè Tân Hoá, kơnhoàl Minh Hoá, Ngư Hoá; kơnhoàl Tuyên Hoá mờ Lâm Thuỷ, kơnhoàl Lệ Thuỷ tus 10 jơ drim òr (22/5) neh geh 100% khà cau lòt đùh sră te\ khà. Tàm tu\ hơ\, tàm càr Quảng Ngãi, tus 5 jơ mho òr (22/5), neh geh rơlao 99,54% khà cau te\ khà lòt đùh sră. Jăt ồng Lê Viết Chữ, kuang atbồ đơng lam Đảng mờ là kuang atbồ anih duh broă te\ khà càr Quảng Ngãi yal: broă te\ khà tàm càr do neh bơyai lơh nền nòn, di mờ tơngai mờ di mờ kơrnoăt adăt boh lam ai tơl^k. Tàm càr Quảng Nam, tus 5 jơ mho òr, khà cau lòt đùh sră te\ khà geh rơlao 99,87%.

         Cau cih mờ yal tơng^t Ndong Brawl