VOV4.K’ho- Tơngkah kir sơn rai 75 nam ngai crơng gơs Anih jơnau đơs Việt Nam, ngai 7/9, uă mpồl kuang bàng ala mat Bộ, gah sơnah lơh broă, mpồl cau, ală tiah neh tus gờm chờ kuang đơng lam bồ, kuang bàng, cau lơh ba\o, biên tập viên, kỹ thuật viên bơh Anih jơnau đơs Việt Nam dê.

Tus còp mờ gờm chờ Anih jơnau đơs Việt Nam, Bộ trưởng Bộ Giáo dục mờ Đào tạo ồng Phùng Xuân Nhạ đơs nền, Anih jơnau đơs Việt Nam sùm lòt bal mờ gah lơh broă tàm broă mblàng yal jơnau tus gal ngan làng bol tàm gùt lơgar ngan là tàm tiah sar lơgar ngài, tiah geh uă làng bol kòn cau ơm kis.

Bộ trưởng kung jờng rơ niam ngan gơnoar broă mblàng yal bơh VOV dê tàm gah bơto bơtê, ngan là tàm broă lơh rcang sơn dră kòp Covid-19, gàr niam hìu bơsram ờ do ờ dă nàng rcang sơn dră kòp. Ala mat anih lơh broă, Mpồl hơ pơr gon tàm tơngai tus geh tơnguh lơh broă bal mờ Anih jơnau đơs Việt Nam pơgồp bơnah tơnguh uă cồng nha broă lơh mblàng yal jơnau bè gùng dà broă lơh bơh Đảng, broă lơh adat boh lam bơh dà lơgar dê tus mờ làng bol.

Cau mblàng K’ Hạnh