VOV4.K’ho – Ngai òr 25/01, trồ tiah tàm ală càr đah tô dà lơgar sùm gơmù lơyah ngan, gah bơto bơtê mờ bơsram ală tiah neh rơcang lài yal mờ mè bèp kơnòm bơsram in ai kơnòm bơsram in ơm rlô bơsram nàng sền gàr să jan. Ală kai bơsram ơdu\ bơh sơnrờp mờ kai bơsram I bơh [òn dờng Vinh mờ ală kơnhoàl: Con Cuông, Kỳ Sơn, Nghĩa Đàn, càr Nghệ An dê dùl ròt ai kơnòm bơsram in ơm rlô bơsram, tài bơh trồ tiah đah bơdìh gơmù hơđơm 7 độ C. Tàm càr Hà Giang, trồ tiah mrềt noăt sơlơ uă tai, trồ tiah gơmù lơyah ngan geh bal mhual dà sơntu\, piar neh lơh aniai tus broă bơsram bơh kơnòm bơsram tiah kơh bơnơm dê. Ală hìu bơsram tàm kơnhoàl Hoàng Su Phì, càr Hà Giang neh ai ală kơnòm in ơm rlô bơsram. Uă cau pơgru tàm kơnhoàl neh tus tàm ală hìu nàng sồr mè bèp kơnòm bơsram tơn soh phan ram ai ală kòn he dê in tàm ală ngai mrềt noăt ir. Cơldu\ lơh broă bơto bơtê mờ bơsram kơnhoàl Hoàng Su Phì kung sồr ală anih bơsram tàm tiah sar lơgar ngài, tiah nhàr lơgar mhar cang kìng kơryan càl khồm puh, sền gàr niam ală broă lơh bơto bơtê tàm ală ngai mrềt noăt uă ngan do.

Cau cih mờ yal tơngi\t- Lơ Mu K’ Yến