VOV4.K’ho- Tàm ală ngai do, uă tiah tàm gùt lơgar pơn jat tai git gŏ khà cau bơtờp kòp Kovid-19 gơguh jơnhua. Drim ngai 30/12, tàm Nghệ An, git gŏ 81 nă cau bơtờp kòp Kovid-19 pa tàm 13 tiah, tàm hơ̆ geh 10 nă cau kòp tàm mpồl bơtiàn. Ai tàm càr Hưng Yên, tàm 2 ngai 28 mờ 29/12, git gŏ 249 nă cau bơtờp mờ virus Sars KoV-2. Pal sền gròi là git gŏ uă cau bơtờp kòp pa tàm ală tiah geh kòp là kông tu lơh broă tàm kơnhoàl Tiên Lữ, Văn Lâm, thị xã Mỹ Hào. Tàm càr Ninh Bình, tàm ngai 29/12, neh geh 29 nă cau bơtờp kòp pa. Tàm 2 ngai do, càr Bắc Ninh kung git gŏ 411 nă cau bơtờp kòp Kovid-19. Đơs lài tàm tơngai tus khà cau bơtờp kòp geh pơn jat tai gơguh mhar tŭ ală broă lơh sa- mpồl bơtiàn tàm ală ngai lồi nam gơguh uă.

Cau mblàng K’Duẩn