VOV4.K’ho - UBND càr Kon Tum geh dơ\ lơh broă mờ mpồl kuang bàng đơng lam Ban Dân tộc càr do kờ` g^t bè bơta, cồng nha bè broă lơh jăt ală kơnòl tòm tàm nam 2020.

Phó Chủ tịch UBND càr Kon Tum mò Trần Thị Nga đơs ngan ală cồng nha mờ Ban Dân tộc càr neh lơh geh tàm tơngai do. Mờ sồr mpồl kuang bàng đơng lam Ban Dân tộc càr pơn jăt tai tơnguh broă sền gròi mờ pơgồp bal mờ ală mpồl lơh broă, ală tiah sền wơl, kờ` g^t bè cồng nha lơh jăt kơnòl bơh gah do dê tàm 6 nhai bồ nam.

Tàm hơ\ tơrgùm tàm broă lơh 135; Rơndăp broă dong kờl tơnguh bơtàu lơh sa mpồl bơtiàn kòn cau ờ gal bơnus kòn cau Brâu mờ Rơ Măm tus nam 2025; broă lơh krơi is tàm broă dong kờl tơnguh bơtàu lơh sa mpồl bơtiàn tiah làng bol kòn cau mờ tiah kơh bơnơm tơngai bơh nam 2017 tus 2020.

Ban Dân tộc càr tơrgùm sền wơl broă lơh, cồng nha lơh jăt rơndăp broă tơnguh broă lơh bal dunia dong kờl tơnguh bơtàu lơh sa mpồl bơtiàn tiah làng bol kòn cau tàm càr do; rơcang pơgồp bal mờ ală mpồl lơh broă, ală tiah gơrềng bal bơyai lơh bơsram tàp, bơtơl jơnau ngăc ngar, ai jơnau tơng^t cau geh bơngă pin dờn in….

Cau mblàng Ndong Brawl