VOV4. K’ho - Mang do 23/01, tàm Anih tờm pơrjum Bái Đính, càr Ninh Bình bơyai lơh Dơ\ dờp sră bơh Unesco dê dờp Tiah nhơl chờ tiơng pơn rơ Tràng An là Phan lời wơl chài rơ gơi mờ ù tiah brê bơ nơm geh is dunia dê. Tiah nhơl chờ tiơng pơn rơ Tràng An ơnàng rlau 6170 lồ, di ù tiah kơnhoàl Hoa Lư, Gia Viễn, Nho Quan, [òn drà Tam Điệp mờ bòn dờng Ninh Bình, tiah nhơl chờ tàm hơ\ geh pe tiah geh sền gàr ơm rềp kềng bal là Tiah tềl lời wơl kah yau chài rơ gơi càr lơgar yau Hoa Lư, tiah nhơl chờ tiơng pơn rơ Tràng An-Tam Cốc- Bích Động mờ brê kròng gam wơl bè ờs dờng màng Hoa Lư. Tràng An là phan lời wơl tàm bơrlu\ bal bơh sơn rờp bơh Việt Nam dê mờ Tiah đah jum mat tơngai lik châu Á-geh Unesco dờp. Bơh hơ\, đơs tờm ală lơh ngan dờng ngan bơh Việt Nam dê tàm broă sền gàr, prăp gàr wơl ală phan lời wơl chài rơ gơi mờ ù tiah brê bơ nơm geh is bơh dà lơgar dê kung bè bơh kòn bơnus gùt dunia dê.