VOV4.K’ho – Bơh sơn rờp lơh broă tàm Anih pờ tơlik jơnau đơs ntum nhàr lơgar Krông Na, ùr lơh [ău Thanh Nga, tu\ do lơh broă tàm Anih pờ tơlik jơnau đơs mờ sơ`io rùp kơnhoàl Buôn Đôn, càr Daklak neh kờn ngan mờ broă lơh, jak ngan lơh broă is ngac ngar mờ uă gah lơh [ău krơi is. Bau mờ cau ling sền gàr tiah nhàr lơgar, bi là cau dong kờl kơ\ kơl jăp ngan, nàng hơ\ sồng mu\t lơh niam bal kơnòl broă tàm tiah nhàr lơgar:

Nam 2002, ùr lơh [ău Thanh Nga pa jơh bơsram Hìu bơsram Trung cấp Pờ tơlik jơnau đơs mờ Sơ`io rùp càr Thanh Hoá, tus bơtê lơh broă tàm Anih pờ tơlik jơnau đơs mờ sơ`io rùp kơnhoàl Buôn Đôn, càr Daklak dê. Gơlơh krơi ngan mờ broă lơh, krơi ngan mờ ù tiah [òn cau dê, ờ hềt gơtùi kis quèng mờ broă lơh, Thanh Nga lòt tus {òn dờng Hồ Chí Minh lơh cau lơh phan nàng jòi priă kis pah ngai. Ờ bài kờn ko\ng mờ rài kis ờ kơ\ kơl jăp bè hơ\, bi neh lơh ngan jơh nùs wơl rê wơl tàm Buôn Đôn mờ bơtuah ngan cau ai lơh broă tàm Anih pờ tơlik jơnau đơs ntum nhàr lơgar Krông Na. Bơdìh mờ broă lơh tàm Anih pờ tơlik jơnau đơs ntum dê, pah ngai bi Thanh Nga uă ngan broă lơh bòl glar ngan. Kung ngan bơh kơnhoàl ù tiah bòl glar kal ke do, ùr lơh [ău Thanh Nga tơryăng tơryồng, niam ùr, đơs crih geh săp đơs niam tàm kờn mờ bau mờ cau ling sền gàr tiah nhàr lơgar. “Puan nam ơm tàm ntum là ală nam bòl glar kal ke ngan rlau jơh, priă nhai mìng geh 380 rbô đong lơm. Tu\ hơ\, tàm ntum geh cau lơi sồr cih sră nggal den dùl pang là 5 rbô đong; pah mang nggui cih sùm sră nggal dềt rơhền bè hơ\; geh pơrjum halà cribơyai lơi den jà he lòt cùp rùp, tơl pang rùp he sa 5 rbô đong. Geh ală jơnau yal tàm ntum den a` pơyua tus anih pờ tơlik jơnau đơs mờ sơ`io rùp càr in, bơh hơ\ a` geh bơta kờn ngan tài bơh geh cau ngui jơnau yal tơngi\t, jơnau cih bơh a` dê. Tu\ a` lơh broă tàm hơ\ den sùm lòt lơh đơs crih tam ya ai Cơldu\ lơh broă chài rơgơi kơnhoàl in den tàng a` hơ\ sồng quèng mờ bơklau a` tu\ do là cau ling sền gàr tiah nhàr lơgar”.

Ùr lơh [ău Thanh Nga lòt lơh broă tàm [òn lơgar

Tơnơ\ 4 nam lơh broă tàm Anih pờ tơlik jơnau đơs ntum Krông Na, Thanh Nga geh ai rê lơh broă tàm Anih pờ tơlik jơnau đơs mờ sơ`io rùp kơnhoàl Buôn Đôn. Sơrmah sơrmài, sơrbăc mhar, jak chài, gi\t ko\ng bòl glar kal ke lùp bơsram tơnguh jơnhoa bồ tơngoh jak chài tàm broă lơh ờs mờng là ală jơnau kuơ ngan tàm ùr lơh [ău do. Kơnờm bè hơ\ mờ bi gơtùi lòt lơh broă is geh cồng nha ngan bal mờ ală gah lơh [ău krơi is, bè pờ tơlik jơnau đơs, sơ`io rùp, [ău li\p, [ău rùp mờ [ău tàm internet sơrbăc mhar mờ di tu\ ngan.

Mờr 15 nam lơh [ău tàm [òn lơgar, ùr lơh [ău Thanh Nga ko\ng bòl glar kal ke lòt jòi, sền go\, đơs wơl ală bơta ờ niam, bơta ờ di bơh làng bol [òn lơgar dê geh gơnoar atbồ mờ mpồl bơtiàn đơs niam ngan. Mờ bơh tu\ gam là dùl nă cau lơh broă tàm Anih pờ tơlik jơnau đơs ntum, bi neh geh uă ngan phóng sự geh pờ tàm Anih pờ tơlik jơnau đơs mờ sơ`io rùp càr Daklak mờ [ău Daklak. Pal sền ngac ngan là phóng sự đơs bè bơta làng bol ntrờn ơm kis khat gơboh dùl bă ur ar, koh kơl aniai brê, aniai tus Brê dà lơgar Yook Đôn mờ broă lơh sền gàr lơngăp lơngai tiah nhàr lơgar. Tu\ rê lơh broă tàm Anih pờ tơlik jơnau đơs mờ sơ`io rùp kơnhoàl Buôn Đôn, bơta chài tàm broă lơh ngai sơlơ geh jak rlau tai, nùs kờn gơboh mờ broă lơh sơlơ ngai sơlơ uă rlau tai. Bơdìh mờ kơnòl broă mblàng yal, Thanh Nga neh geh uă jơnau cih [ău geh kuơ ngan. Pơnrơ ngan là phóng sự : “Bơta geh ngan deh diền deh uă kòn tàm Bòn Tul”, tơnơ\ tu\ pờ tơlik tàm Anih pờ tơlik jơnau đơs mờ sơ`io rùp càr Daklak, gah lơh broă geh gơnoar neh lòt sền ngan ngồn mờ jơh nùs lơh ngan tơn jơh cồng nha pơrlồm gời đah bơdìh lơm bè broă lơh khà kờp làng bol bơh ntum Ea Wer dê. Uă cau rài kis kal ke, tơnơ\ tu\ yal neh geh làng bol [òn lơgar mờ dà lơgar dong kờl. Bè jơnau cih [ău “Dùl hìu bơnhă geh 7 nă cau kòn ờ niam tàm tơngoh” tơnơ\ tu\ cih yal, neh geh cau geh nùs nhơm niam tus jòi mờ dong kờl.

Nam lài, dơ\ sơn rờp tus bal pơrlòng sră [ău bơh càr dê, bi geh khà pơn jờng bal mờ jơnau cih “Dùl nă cau pơnrơ jak bè bơsram mờ lơh jat ơnà jak Bác Hồ dê”. Bơh bơta pơn jờng hơ\, nam do, Thanh Nga pơyua jơnau cih “Rài kis làng bol tàm dà dờng chơ\t” tus bal Pơrlòng pờ tơlik jơnau đơs mờ sơ`io rùp càr Daklak. Jơnau phóng sự do neh cih wơl bơta geh ngan lơh hìu măy pờ tơlik ồs đèng khat gơboh uă ngan tàm hiòng dà dờng Srepok, aniai uă ngan tus [òn lơgar mờ Brê dà lơgar Yook Đôn, aniai tus broă lơh nhơl chờ mờ rài kis pah ngai mờ broă lơh sa bơh làng bol tàm kơnhoàl Buôn Đôn dê. Pal sền ngac ngan là jơnau phóng sự do neh ai geh khà jờng A bơh Dơ\ pơrlòng Pờ tơlik jơnau đơs mờ sơ`io rùp càr Daklak nam 2016.

Ùr lơh [ău Thanh Nga lòt lơh broă tàm [òn lơgar

Uă nam sùm lơh broă tàm tiah nhàr lơgar, bau mờ cau ling sền gàr tiah nhàr lơgar, ùr lơh [ău Thanh Nga gi\t wa\ jrô ơnàng rlau tai kơnòl broă bơh cau ling dê. Bơklau bi pah nhai mìng rê tàm hìu geh 2, 3 dơ\ lơm, kòn ùr gam dềt, mờ pal atbồ tai hìu sền gàr kòn dềt is, mơya ùr lơh [ău Thanh Nga kung gam kờn ngan mờ broă lơh, kơlôi sơnơng mờ ală jơnau duh hồl tàm tiah do. “Oh neh lơh broă tus nam do là 14 nam, dilah a` ờ kờn gơboh mờ broă lơh den là a` neh sơrbì broă lơh do bơh jo\ ngan. Tài bơh a` sơnơng là bòl glar kal ke lơi kung pal sơr lèt gan jơh, tài bơh a` là pơ ùr cau ling dê, a` kung bơtờp sơl nùs nhơm bơh cau ling dê; bơta kuơmàng là he lơh broă lơi hơ\ geh kuơ ai làng bol [òn lơgar in. A` là pơ ùr bơh cau ling sền gàr tiah nhàr lơgar dên den a` sùm sền dờng màng jơnau mblàng yal broă lơh sền gàr tiah nhàr lơgar, tam dră dô gan nhàr lơgar tìs mờ adat boh lam, kơryan koh kơl aniai brê. Tài bơh bol a` ờ di là anih lơh [ău mờ là anih mblàng yal den tàng geh uă bơta kơlôi sơnơng ngan. Geh uă jơnau bè koh kơl aniai brê đơs pơnyơu bè hơ\, hơ\ sồng bơta geh ngan [ơ\ [ơl tiah ơm kis. A` kis tàm Buôn Đôn, tiah tờm ròng pơđàu rwah brê, mơya đơs ngan den rwah brê ờ gam geh gam uă tai ờ. Lơh bè lơi nàng sền gàr mờ bơtàu tơnguh?”.

Mờ nùs kờn gơboh ngan mờ broă lơh, nùs nhơm gi\t sơrlèt gan kal ke mờ lơh ngan lùp bơsram tàm broă lơh, ùr lơh [ău Thanh Nga neh lơh geh uă cồng nha tàm broă lơh mờ rài kis!

                                                                                             Cau cih mờ yal tơngi\t- Lơ Mu K’ Yến