VOV4.K’ho – Phó Thủ tướng Trịnh Đình Dũng, mơkung là Kuang atbồ Ủy ban dà lơgar lòt jòi dong kờl rềs àr đơng lam pơrjum sền swì broă lơh đơng lam, atbồ bơh Ủy ban dà lơgar lòt jòi dong kờl rềs àr tàm nam 2016 mờ ală nhai bồ nam 2017 mờ mu\t lơh broă lơh tàm tơngai tus.

Tu\ do, dà cò mờ tơrlah ù tàm ală càr kơh bơnơm đah tô dà lơgar gam lơh gi\t nđờ jơ\t nă cau chơ\t mờ hoàc hươr uă ngan phan bơna bơh làng bol dê. Ală mpồl cau mờ gơnoar atbồ ală tiah gam jal mhar dong kờl ală cau gơtìp bồr tơ\p. Jat khà kờp yal, bơh bồ nam tus tu\ do, jơh gùt lơgar geh 1.768 dơ\ rềs àr, jơnau aniai tài bơh trồ tiah, lơh chơ\t 511 nă cau, gơguh 42 nă pơndrờm bal dùl tu\ mờ nam lài.

Tài bơh gơbàn kal ke bơh trồ tiah mờ tam gơl trồ tiah, ală jơnau gơ aniai bơh trồ tiah lơh ngai sơlơ uă tai, khà hoàc hươr kung kơ` jơ\ kơ` ju\t rlau. Nàng rơcang pleh, sơndră wơl mờ trồ tiah lơh aniai geh cồng nha, ală gah sơnah lơh broă mờ ală tiah kờ` pal sơlơ mblàng yal, bơto yal bơta chài bè sơndră wơl mờ trồ tiah lơh aniai, dong kờl rềs àr nàng làng bol rơcang lài mu\t lơh.

Cau cih mờ yal tơngi\t-Lơ Mu K’ Yến