VOV4.K’ho - Ngai òr (11/1), tàm Hà Nội, Uỷ ban Dân tộc neh bơyai lơh pơrjum tơn jơh broă lơh nam 2016, lơh jăt kơnòl nam 2017. Uỷ ban Dân tộc ai khà tàm nam do pơn jăt tai dong kờl ală broă lơh tonguh bơtàu lơh sa mpồl bơtiàn tàm tiah làng bol kòn cau mờ kơh bơnơm, jăt broă lơh mhar, kơl jăp, tơmù bơta ngài bal bơh ală jơi bơtiàn kòn cau, tiah, mpồl. Trơgùm bơta pràn chồl pràn broă tơnguh bơtàu lơh sa, tơn jơh jơgloh, tơmù rơ[ah tơnguh broă bơcri priă bơ\t bơtàu broă lơh sa mpồl bơtiàn, bơ\t bơtàu [òn lơgar pa, tơnguh bơta niam khà cau lơh broă lơh jăt broă kòn cvau. Ồng Hà Hùng, Phó kuang atbồ Uỷ ban Dân tộc pà g^t: “Nam 2017, Uỷ ban tơrgùm kơlôi sơnơng lơh mờ bơyai lơh jăt geh cồng nha ală broă dong kờl kòn cau, chồl pràn broă bơto bơtê mờ bơsram, tơnguh bơta niam khà cau lơh broă tàm tiah kòn cau mờ kơh bơnơm. Tơnguh bơta niam broă drơng gàr bơta pràn kơl dang să jan làng bol tàm tiah kòn cau mờ kơh bơnơm. Chồl pràn broă prăp gàr mờ tơnguh bơta niam chài rơgơi ală jơi bơtiàn kòn cau in…”.

              Cau cih mờ yal tơng^t Ndong Brawl