VOV4.K’ho – Drim òr, 20/2, Ủy ban mặt trận dà lơgar càr Lâm Đồng bơyai lơh tìp mat ala mat cau kơ đơng ỳang Phờk càr Lâm Đồng. Tàm dơ\ tìp mat, uă cau kơ đơng ỳang Phờk neh song dơpă cribơyai, ai tơlik jơnau dan, jơnau sồr ală gah, mpồl lơh broă uă tơngume bè dan Ủy ban nhân dân càr mhar geh kơrnuat dờp 12 mpồl dong broă ỳang phờk kơn hoàl, [òn dờng nàng ală mpồl dong broă ỳang Phờk geh bơnàng jă kơrnuat boh lam nàng mut lơh kơ nòl bơh mpồl jat ỳang Phờk jàu; mhar lơh sră ai ală broă lơh mut lơh hìu duh khoai, hìu duh kah, mut lơh ờ uă hìu phờk tàm tiah sar lơgar ngài; dan kuang đơng lam bồ càr, ală gah mpồl lơh broă sền gròi, dong kờl nàng wèt tus bơt bơtàu mpồl tam klac dờng, ringbal uă tàm mpồl jat ỳang phờk Việt Nam càr, wèt tus bơyai lơh pơrjum gah jat ỳang phờk Việt Nam càr dơ\ 9 tơngai lơh broă bơh nam 2017 tus nam 2022 geh bơyai lơh geh cồng nha.

         Cau cih mờ yal tơnggit K’Duẩn