VOV4.K’ho– Drim ngai 5/11, tàm Hà Nội, Ủy ban Mặt trận dà lơgar Việt Nam bơyai lơh pơrjum ai jơnau đơs ală kuang geh jơng tàm Đoàn Chủ tịch, lài do là Kuang đơng lam bồ Mặt trận dà lơgar Việt Nam ală tu\ tơngai tàm ală jơnau rơcang cih sră nggal pơrjum dờng Đảng gùt lơgar dơ\ 13.

Ringbal mờ jơnau đơs tàm jơnau rơcang cih chính trị, ồng Nguyễn Túc, Kuang geh jơng Đoàn Chủ tịch Ủy ban Mặt trận dà lơgar Việt Nam đơs nền: tàm 5 nam do, dà lơgar neh lơh geh ua\ cồng nha tàm jơh ală gah broă lơh, bal mờ bơta bơtàu tơnguh mhar mờ tơl làm lơh gơlik ua\ tềl kuơmàng. Broă lơh bơt bơtàu Đảng mờ mpồl lơh broă chính trị geh sền gròi, kươmàng là broă rơcang sơndră sa kuề sa kùa neh ai geh wơl bơta pin dờn bơh làng bol dê gơ wèt tus mờ bơta đơng lam bồ bơh Đảng, bơta atbồ bơh dà lơgar dê.

Tă pơgồp jơnau đơs bè broă lam lơh ală kơ nòl broă bơtàu tơnguh lơh sa – mpồl bơtìan 5 nam do, ồng Nguyễn Lân Dũng, Kuang geh jơng Đoàn Chủ tịch Ủy ban Mặt trận dà lơgar Việt Nam pà git, tu\ do, dà lơgar ờ hềt ngan ngồn sơn đờm ngui tu\ niam mờ bơta lòng bơh dơ\ kac màng công nghiệp dơ\ 4 dê. Tàm hơ\, ờ hềt git lài broă ala công nhân tàm ală Khu công nghiệp, ngan là tàm gah tà` mai, kho\ kơltau, crap phan bơta điện tử mờ robot.

Cau mblàng K’Duẩn