VOV4.K’ho- Drim 26/10, tàm Hà Nội, Ủy ban Mặt trận dà lơgar Việt Nam bơyai lơh pơrjum ai jơnau đơs ală mpồl lơh broă geh jơng gơ wèt tus mờ ală jơnau rơcang cih sră nggal pơrjum dờng Đảng gùt lơgar dơ\ 13. Đơs tàm pơrjum, Chủ tịch Ủy ban Mặt trận dà lơgar Việt Nam, ồng Trần Thanh Mẫn đơs nền, broă tus bal tă pơgồp jơnau đơs bơh ală rơnàng làng bol dê là tơrgùm mờ tơnguh bồ tơngoh jak, gơnoar lơh tờm bơh jơh gùt làng bol dê tus bal tă pơgồp jơnau đơs mờ Đảng tàm broă ai tơlik gùng dà, broă rơndap lơh kuơmàng bơh dà lơgar dê tus nam 2025, broă rơndap lơh wèt sền tus nam 2030 mờ 2045.

Bè hơ\ den tàng, ală jơnau đơs tàm pơrjum geh pơgồp bơnah tơnguh bơta niam jơnau rơcang cih ală sră nggal yal pơrjum dờng dơ\ 13 bơh Đảng dê; dong  jơnau đơs Đảng di mờ nùs nhơm làng bol; lơh gơlik bơta ring bal ua\ bè git wă, broă lơh mờ nùs nhơm lơh ngan tàm jơh gùt Đảng, jơh gùt làng bol mờ jơh gùt ling klàng lơh jat geh cồng nha nghẹ quyết pơrjum dờng dơ\ 13 bơh Đảng dê ai tơlik.

Cau mblàng K’Duẩn