VOV4.K’ho – UBND càr Daknông pa tơlik rơndap broă mut lơh broă tơm wơl dà lơgar dê tàm càr Daknông nam 2017. Jat rơndap broă, tàm nam 2017, ală anih lơh broă, mpồl lơh broă geh gơ noar bơyai mut lơh geh cồng nha ală kơ nòl broă jat jơnau cih bơh Adat kơnòl tơm wơl dà lơgar dê mờ ală sră nggal pơlam mut ngui. Bal mờ broă tơnguh jơnhua cồng nha ală broă lơh atbồ dà lơgar bè broă lơh tơm wơl, ală anih lơh broă, mpồl lơh broă pal pơnjat tai bơsong broă lơh tus mờ kuang bàng, cau lơh broă sa priă nhai dà lơgar mờ sơlơ rơcang sơndră ală broă lơh tìs mờ kơrnuat boh lam lơh gơlik geh kơnòl tơm wơl dà lơgar dê. Ală kơnă, ală gah broă lơh mut lơh tơl làm, geh tơngume tờm broă lơh atbồ gah broă lơh ờs mờng bè tơm wơl dà lơgar, tơnguh jơnhua cồng nha mut ngui adat kơnòl tơm wơl dà lơgar dê nàng sền gàr gơ noar mờ bơta kuơ dipal bơh làng bol, mpồl lơh sa kă bro dê.

              Cau cih mờ yal tơnggit K’Duẩn