VOV4.K’ho-  Drim 11/11, Mpồl kuang bàng sền gròi bơh Ủy ban sền sơ wì dà lơgar dê neh lòt sền broă lơh jat Jơnau sồr sồ 30 bơh Ban Chấp hành Đảng dà lơgar dê tàm Dak Nông. Jat jơnau yal, jơnau sồr sồ 30 bè lơh jat Điều lệ Đảng bè broă lơh sền sơ wì, sền gròi, lơh glài bơh Đảng dê bơh Đảng bộ càr Dak Nông tàm tơngai lơh broă bơh nam 2015 tus nam 2020 geh lơh jat jơnau sồr, broă rơndap lơh, broă lơh Đảng.

Tàm tơngai lơh broă, gùt càr neh sền sơ wì 673 nă đảng viên, 47 mpồl duh broă Đảng kấp hơ đơm tu\ geh tềl tơnggo\ lơh tìs. Bơh lòt sền, đơs pơn dut, geh 626 nă đảng viên, 43 mpồl duh broă Đảng geh bơta ờ niam, broă lơh tìs… Tàm dơ\ lơh broă, ală kuang bàng neh cribơyai bè ală kal ke, kòl yan tàm broă lơh jat jơnau sồr sồ 30 bè: sền sơ wì, lơh glài đảng viên lơh tìs broă lơh khà kờp làng bol – deh dùh di kơrhia tàm hìu bơnhă (deh kòn dơ\ 3); broă lơh glài ờ ua\ kuang bàng, đảng viên lơh tìs tu\ do neh jơh sơnam rê rlô lơh broă halà ntrờ` broă lơh…

Cau mblàng K’Duẩn