VOV4.K’ho – Drim òr, 20/4, Ủy ban Thường vụ Quốc hội ai jơnau đơs bè broă cih dờp,  bơsong rơndap adat atbồ phan bơna dà lơgar (tam gơl). Gơ rềng tus jơnau cih bè phan bơna pà, ală kuang geh jơng tàm Ủy ban Thường vụ Quốc hội sồr ba` cih gơs bơta ờ ai lơh, mờ kuơ màng là pal geh jơnau cih mờ sền gròi cau ngui phan bơna geh pà, bơh hơ\ ngui di jơnau kờ`, khà tơl, khà geh ai làh ờ. Dilah jơngkah mờ khà geh ai, khà tơl den pal cok khà priă nàng tac tơmut tàm kes priă mpồl bal dê. Ủy ban Thường vụ Quốc hội kung sồr pal sền gròi tus ală jơnau cih bè tac phan bơna. Jat mờ hơ\, priă geh bơh tac phan bơna pal tơmut tàm kes priă dà lơgar; mơkung pal cih krà` cê jat rơndap broă jơh ală phan bơna dà lơgar dê tu\ blơi halà tu\ tac ndrờm pal geh cok khà priă loh làng, song dơpă.